Fokotuʻu ki he Akó
Ngāueʻaki Ola Lelei ʻa e “Meʻa Foʻou”
Ko e konga “Meʻa Foʻou” ʻi he JW Library® mo e jw.org ʻoku fakahaaʻi ai ʻa e ngaahi fakamatala naʻe toki pulusi ki muí ni mai. ʻE lava fēfē ke ke ngāueʻaki ʻa e konga ko ení ke maʻu ʻa e fakamatala fakamuimui tahá?
JW Library
ʻOku tuku ange taha taha mai ʻa e ngaahi kupú ʻaki hono fakafoʻou ʻa e ngaahi kupu hokohokó. Ko ia ʻi he taimi ʻoku hā ai ha kupu hokohoko ʻi he “Meʻa Foʻou,” ʻe lava ke ke hiki ʻa e tatau fakamuimui taha ʻi he kupu hokohoko ko iá. ʻE lava leva ke ke lau ʻa e kupu foʻou ʻoku hā taupotu ki ʻolunga ʻi he lisí, ʻa ia ʻoku fakahokohoko ʻaki ʻa e ʻahó.
Ko e ʻū tohi lōloa angé, hangē ko e makasiní, ʻe fiemaʻu ha taimi lahi ange ke lau ai ke ʻosi. Ke tokoni ki hono ʻiloʻi ʻa e meʻa ʻoku teʻeki ai ke ke lau ʻo ʻosí, feinga ke tānaki ia ki he lisi hoʻo Saiʻiá kae ʻoua kuo ʻosi ia hoʻo lau.
JW.ORG
Ko e ngaahi meʻa ʻe niʻihi, kau ai ʻa e ngaahi ongoongó mo e fanongonongó, ʻoku hā pē ia ʻi he uepisaiti jw.org, ʻo ʻikai ʻi he JW Library. Manatuʻi ke vakaiʻi maʻu pē ʻa e peesi “Meʻa Foʻou” ʻi he uepisaití ki he ngaahi kupu fakamuimui tahá.