Fakamatala ‘i Lalo

a Kae kehe, ʻoku fakakau mai ʻe Sihova ha ngaahi meʻa kehe ʻi he taimi ʻokú ne fakakaukau ai ke fakamolemolé. Hangē ko ʻení, kapau ʻoku ʻikai ʻilo ʻe ha tokotaha faihala ʻa e ngaahi tuʻunga ʻa e ʻOtuá, ʻoku fakasiʻisiʻi nai ʻe he taʻeʻilo ko iá ʻa e ongoʻi halaiá. ʻI he taimi naʻe kole ai ʻa Sīsū ki heʻene tamaí ke ne fakamolemoleʻi ʻa e faʻahinga naʻa nau tāmateʻi iá, ʻoku hā mahino naʻe lea ʻa Sīsū ʻo kau ki he kau sōtia Loma ʻa ia naʻa nau tāmateʻi iá. Ko kinautolú ‘naʻe ʻikai te nau ʻilo ʻa e meʻa naʻa nau faí,’ ʻo ʻikai te nau ʻilo pe ko hai moʻoni ia. Kae kehe, ko e kau taki lotu naʻa nau fai ʻa hono fokotuʻutuʻu ʻo e tāmateʻi fakalao ko iá naʻa nau fuesia ʻa e halaia lahi ange​—pea ko e tokolahi ʻo kinautolu, naʻe ʻikai malava ke toe fai hano fakamolemoleʻi.​—Sione 11:​45-53; fakafehoanaki mo Ngāue 17:30.