Fakamatala ‘i Lalo

b Ko e lāulea ko ení ʻoku fakahanga ia ki he ngaahi lea ko ē ʻoku nau maʻu ʻa e malava ke ʻai ʻa e ʻīsiú ke mahinó ka ʻoku fili pē ʻe he kau liliu leá ia ke ʻoua te nau fai pehē. ʻOku fakangatangata fakaʻaufuli ʻe he ngaahi foʻi lea ʻoku ala maʻú ʻa e meʻa ʻe malava ke fai ʻe he tokotaha liliu leá ʻi he ngaahi lea ʻe niʻihi. Ko e kau faiako faitotonu fakalotú leva, te nau fakamatalaʻi, neongo ko e tokotaha liliu leá naʻá ne ngāueʻaki ha ngaahi fakalea kehekehe pe naʻá ne ngāueʻaki pe ha fakalea ʻoku taʻefakatohitapu hono ʻuhingá, ko e kupuʻi lea, néphesh ʻi he muʻaki leá, ʻoku ngāueʻaki ia fakatouʻosi ki he faʻahinga ʻo e tangatá mo e fanga manú pea ʻokú ne fakafofongaʻi ha faʻahinga meʻa ʻoku mānava, kai, pea ʻe lava ʻo mate.