Fakamatala ‘i Lalo

a Ki muʻa ʻi he liukava ʻo ʻOkatopa 1917, naʻe ngāueʻaki ai ʻe Lūsia ʻa e tohimāhina Suliani motuʻa angé, ka ko e lahi taha ʻo e ngaahi fonuá kuo nau liliu ki he tohimāhina Kelekōlió. ʻI he 1917 naʻe tōmuiʻaki ai ʻe he tohimāhina Sulianí ʻa e ʻaho ʻe 13 mei heʻene tohimāhina hoatatau Kelekōlió. Hili ʻa e liukavá, naʻe liliu ai ʻa e kau Sovietí ki he tohimāhina Kelekōlió, ʻo talu mei ai mo hono ngāueʻaki ʻe Lūsia ʻa e tohimāhina tatau mo ia ʻoku ngāueʻaki ʻe he toenga ʻo e māmaní. Kae kehe, naʻe tauhi ʻe he Siasi ʻOfotokisií ia ʻa e tohimāhina Sulianí ki heʻenau ngaahi kātoangá, ʻo fakahingoa ia ko e tohimāhina “Ākenga Motuʻa.” Te ke fanongo nai ʻo kau ki hono kātoangaʻi ʻi Lūsia ʻa e Kilisimasí ʻi Sanuali 7. Kae kehe, manatuʻi ko Sanuali 7 ʻi he tohimāhina Kelekōlió ko Tīsema 25 ia ʻi he tohimāhina Sulianí. Ko ia ai, ʻoku fokotuʻutuʻu ʻe he kau Lūsiá ʻa ʻenau faʻahitaʻu ʻaho mālōloó ʻi he founga ko ení: Tīsema 25, Kilisimasi faka-Uēsite; Sanuali 1, Taʻu Foʻou fakamāmaní; Sanuali 7, Kilisimasi ʻOfotokisī; Sanuali 14, Taʻu Foʻou Ākenga Motuʻá.