Fakamatala ‘i Lalo

a Ko e fakamatala ʻa Sīsuú ʻoku tokoni ia ke fakatonutonu ʻa e fakakaukau hala naʻe fakahaaʻi ʻi he anga hono liliu halaʻi ʻe he ngaahi liliu Tohi Tapu ʻe niʻihi ʻa e foʻi lea ko e “i ai.” ʻOku fakalea ia ʻe he ngaahi liliu ʻe niʻihi, kau ai ʻa e ngaahi liliu faka-Tongá ko e “haʻu,” “hoko mai,” “foki mai,” ʻo fakahuʻunga kotoa heni ʻe hoko ia ʻi ha taimi nounou. Neongo ia, fakatokangaʻi naʻe ʻikai ke fakatatau ʻe Sīsū ʻene ʻi aí ki he Lōmaki ʻo e taimi ʻo Noá, ʻa ē ko ha meʻa naʻe hoko ʻi ha taimi, ka ki he “taimi ʻo Noa,” ʻa ia ko ha vahaʻa taimi makehe. Hangē ko e kuonga motuʻa ko iá, ko e ʻi ai ʻa Kalaisí ko ha vahaʻa taimi ia ʻe fuʻu femoʻuekina ai ʻa e kakaí lolotonga ʻene hokó ʻi he ngaahi meʻa fakaʻaho ʻo e moʻuí ʻo nau tukunoaʻi ai ʻa e fakatokanga ʻe faí.