Fakamatala ‘i Lalo

a Koeʻuhi ko e taʻehaohaoá, ʻoku tau fai pe leaʻaki nai ha meʻa ʻe fakalotomamahiʻi ai hotau fanga tokouá mo e fanga tuofāfiné. ʻOku anga-fēfē ʻetau fakafeangaí? ʻOku tau vēkeveke ke fakaleleiʻi hotau vahaʻangataé? ʻOku tau fakavave ke kole fakamolemole? Pe ʻoku tau fakaʻosiʻaki kapau ʻoku nau loto-mamahi, ko e palopalema ia ʻo kinautolu, ʻikai ko kitautolu? Pe fēfē kapau ʻoku tau ʻita ʻi ha lea pe tōʻonga ʻa e niʻihi kehé? ʻOku tau fakatonuhiaʻi ʻetau fakafeangaí ʻaki ʻa e pehē ko e natula pē eni ia mo e angaʻitangata ʻo kitautolu? Pe ʻoku tau vakai ki heʻetau fakafeangaí ko ha vaivaiʻanga ʻoku fiemaʻu ke tau fakaleleiʻi?