Fakamatala ‘i Lalo

a ʻOku maʻu ʻe he fanga tokoua mo e fanga tuofāfine tokolahi ʻa e ngaahi manatu melie ʻo e taimi naʻa nau fiefia ai ʻi he fakatupú mo ʻenau ngaahi mātuʻa Kalisitiané. Kuo ʻikai ngalo ʻiate kinautolu ʻa e founga naʻe ngāueʻaki ai ʻe heʻenau mātuʻá ʻa e ngaahi taimi ko iá ke akoʻi kinautolu fekauʻaki mo e ʻulungaanga ʻo Sihová. Kapau ʻoku ʻi ai haʻo fānau, ʻe lava fēfē ke ke ngāueʻaki ʻa e fakatupú ke akoʻiʻaki kinautolu fekauʻaki mo e ngaahi ʻulungaanga ʻo e ʻOtuá? ʻE lāulea ʻa e kupu ko ení ki he fehuʻi ko iá.