Fanongonongo

◼ Tohi ke ngāueʻaki ʻi Sune: Fāʻūtaha ʻi he Lotu ki he ʻOtua Moʻoni Pē Taha. Siulai mo ʻAokosi: ʻE lava ke ngāueʻaki ha taha pē ʻo e ngaahi polosiua peesi ʻe 32 ko ʻení: Moʻui Fiefia ʻI He Mamani ʻO Taʻengata!, “Vakai! ʻOku Ou Fakafoʻou ʻa e Meʻa Kotoa Pe,” ʻOku Totonu Ke Ke Tui ki he Tolu-tahaʻi-ʻotua?, Ko e Puleʻanga Te ne ʻOmai ʻA e Palataisi, mo e ʻI he Mate ha Taha ʻOkú Ke ʻOfa Ai. Sepitema: ʻE lava ke ngāueʻaki ʻa e tohi ko e Moʻui Taʻengata, pea ʻoku totonu ke fai ha feinga lahi ke kamata ha ngaahi ako Tohitapu. FAKATOKANGA: Ko e ngaahi fakatahaʻanga kuo teʻeki ai ke nau kole ha ngaahi tohi ki he feingatau ʻoku hā ʻi ʻolungá ʻoku totonu ke nau kole ʻi heʻenau Literature Request Form (S-14) fakamāhina hono hokó.

◼ ʻOku totonu ki he ʻovasia pulé pe ko ha tokotaha kuó ne fili ke ne ʻaotitaʻi ʻa e fakamatala paʻanga ʻa e fakatahaʻangá ʻi Sune 1 pe faingamālie vave taha hili pē iá. Fai ha fanongonongo ki he fakatahaʻangá ʻi he lava ʻa e ngāue ko ʻení.

Ngāueleleiʻaki Ho Taimí

¹ ʻOku tokanga ʻa Sihova ki he taimí. ʻOkú ne fiemaʻu kitautolu ke tau toe tokanga foki ki he taimí. Fakafou mai ʻi heʻene kautahá ʻokú ne tokoniʻi ai kitautolu ke tokanga ki he taimí. Kuo enginakiʻi maʻu pē kitautolu ke tau “tupulekina maʻu ai pe ʻi he ngaue ʻa e ʻEiki.” (1 Kol. 15:58) ʻI he foungá ni, te tau malava ai ke ola lelei ange ʻi he ngāue ʻa Sihová.

² Ko e tokotaha kotoa pē ʻiate kitautolu ʻoku lahi tatau pē ʻa e taimi ʻoku tau maʻú ʻi he uike taki taha​—ko e houa ʻe 168. ʻOku fēfē ʻetau ngāueʻaki hotau taimí? ʻOku tau fakahā ʻoku tau mātuʻaki ʻiloʻi moʻoni pe ko fē ʻa e taimi ʻoku tau ʻi aí ʻi he vakai mai ʻa Sihová? ʻOku fakahohaʻasi nai kitautolu ʻe ha ngaahi ngāue ʻoku ʻikai ke fuʻu mahuʻinga?

³ ʻOku mātuʻaki mahuʻinga ke tau fokotuʻutuʻu maau. Ko e tokolahi ʻoku nau feinga ke tauhi maʻu ha lisi ʻo e ngaahi meʻa ʻoku totonu ke fakamuʻomuʻá. Ko e meʻa taki taha ʻoku hiki ia ʻi he lisí ʻo fakatatau pē ki honau mahuʻingá. ʻE lava fēfē ke fakapapauʻi ʻeni? ʻOku pehē ʻe he Tohitapú ko ha tangata ʻoku totonu ke “fiefia i he lelei o ene gaue kotoabe.” (Koh. 3:​13, PM) Ko e ngaahi ngāue ʻe niʻihi ʻokú ne fakatupu ʻa e ngaahi ola lelei ange ʻi he niʻihi kehé. Fakakaukau ki he ngaahi ola ʻe malava ke ʻomai ʻe he ngāue taki taha. ʻI hono fakaʻosi ʻa e ngāué ʻe maʻu ai ha ngaahi ola mahuʻinga? ʻE lava ke ke “fiefia i he lelei” hoʻo ngāue mālohí? Kapau ʻoku ʻikai, mahalo pē ʻoku ʻikai ko e ngāue mātuʻaki muʻomuʻa tahá ia.

⁴ ʻI Heʻetau Ngāue Fakafaifekau: ʻOku tau houngaʻia ʻi he taimi ʻoku aʻu tōmuʻa mai ai ha faʻahinga ki he ngaahi fakataha ki he ngāue fakamalangá, ʻo fanongo tokanga ki he ngaahi fakahinohinó, pea ʻalu leva ki he vāhenga ngāué. ʻOku lelei ange ke tau femoʻuekina ʻi hono fai ʻo e malangá kae ʻikai ko e fetaliaki pē. Naʻe mātuʻaki hā mahino ʻa e ongoʻi mālohi ʻe Paula ʻo kau ki he fiemaʻu ke fokotuʻutuʻu maaú ʻi he taimi naʻá ne tohi ai: “Pea ko e meʻa kotoa pe ke fai ke tāu mo māu.”​—1 Kol. 14:40.

⁵ ʻI he taimi ʻoku tau ʻi he ngāue fakamalanga aí, ʻe lava ke mole nai ha taimi mahuʻinga ʻi haʻatau mālōlō ʻo kofi. Kae kehe, ʻi he taimi ʻoku fuʻu kovi ai ʻa e ʻeá, ko ha kiʻi mālōlō ʻe hoko ia ko ha fakafoʻou hotau iví pea tokoni kiate kitautolu ke tau hokohoko atu. Neongo ia, ko e tokolahi lolotonga e taimi kuo vaheʻi ki he ngāue fakamalangá ʻoku nau saiʻia ke femoʻuekina pē ʻi he faifakamoʻoni ki he kakaí pea liʻaki ai ʻa e feohi mo e ngaahi tokouá ʻi he taimi mālōlō ke kofí. ʻOku fiemaʻu ʻa e mafamafatatau.

⁶ ʻOku pehē ʻe he Tohitapú: “Naʻa mo e sitoaki . . . ʻoku ne ʻilo hono taimi totonu” ke folau aí, mo e loó ʻokú ne “tokonaki pe ia ʻene meʻakai ʻi he faʻahitaʻu mafana” koeʻuhi ke mateuteu ki he faʻahitaʻu momokó. (Sel. 8:7; Pal. 6:​6-8) ʻI aí, ʻoku ʻi ai ʻa e fakapulipuli ki hono ngāueʻaki lelei ʻo e taimí. ʻOku toe totonu ke tau ‘ʻilo hotau taimi totonu.’ ʻI he ʻikai te tau taʻefieʻunuá, ʻoku totonu ke tau tokanga ki he taimí. ʻOku fiemaʻu ke tau ʻilo ʻo ʻikai ngata pē ʻi he meʻa kuo pau ke tau faí ka toe pehē foki ki he taimi ʻoku fiemaʻu ai ke fai ʻa e meʻa ko iá. ʻOku totonu foki ke tau ʻulungaangaʻaki ʻa e tomuʻa palani ki muʻa, ʻai ke ʻatā ki ha ngaahi meʻa ʻe malava ʻo toloi. ʻOku totonu foki ke tau loto-lelei ke fakasiʻisiʻi ha ngaahi ngāue kae maʻu ha taimi ki he ngaahi meʻa ʻoku mātuʻaki mahuʻinga angé, hangē ko e teuteu ki heʻetau ngaahi fakatahá, ngāue fakamalangá, pea mo e ngaahi ngāue kehe fakateokalatí.

⁷ ʻOku fiemaʻu ke tau hangē ko ʻetau Tamai fakahēvani, ko Sihova ko e ʻOtuá, ʻa ia ʻokú ne ako mai kiate kitautolu ko e ‘meʻa kotoa ʻoku ai hano taimi.’ (Koh. 3:1) ʻI hono ngāueleleiʻaki hotau taimí, te tau lava ke ‘fai ke kakato ʻetau gaue fakafaifekau.’​—2 Tīm. 4:5, PM.

Ako Tohi ʻa e Fakatahaʻanga

Taimi-tēpile ki he ngaahi ako ʻa e fakatahaʻangá ʻi he tohi Fāʻūtaha ʻi he Lotu ki he ʻOtua Moʻoni Pē Taha.

Mei he: Ki he:

Sune 5: Vahe 20, pal. 7-12

Sune 12: Vahe 21, pal. 1-8

Sune 19: Vahe 21, pal. 9-16

Sune 26: Vahe 22, pal. 1-7

Līpooti Ngāue ki Maʻasi

Tāimuʻa Tāimuʻa Tāimuʻa Kau

Makehe Tuʻumaʻu Tokoni Malanga Kātoa

Haʻamoa ʻAmelika 2 18 8 157 185

Haʻamoa Hihifo 2 26 16 271 315

Tokelau - - - 5 5

Tonga 3 7 4 52 66

Tuvalu ​4 ​2 ​1 ​35 ​42

Kātoa 11 53 29 520 613

Ngaahi Ngaahi Toe Ako

Houa Makasini ʻAʻahi Tohi Tapu

Haʻamoa ʻAmelika 12.4 12.2 3.7 .5

Haʻamoa Hihifo 15.9 10.6 4.2 .9

Tokelau 13.0 18.8 7.0

Tonga 11.3 16.8 4.0 .6

Tuvalu 15.7 18.7 5.3 1.0