Fakahokohoko ʻa e Akoʻanga Fakafaifekau Fakateokalati ki he 1997
Ngaahi Fakahinohino
Lolotonga ʻo e 1997 ko e ngaahi fokotuʻutuʻu ʻeni ki he Akoʻanga Fakafaifekau Fakateokalatí.
NGAAHI TOHI AKO: Ko e New World Translation of the Holy Scriptures [bi12], Fāʻūtaha ʻi he Lotu ki he ʻOtua Moʻoni Pē Taha [uw], “All Scripture Is Inspired of God and Beneficial” (1990 Edition) [si], ʻIlo ʻA Ia ʻOku Taki Atu ki he Moʻui Taʻengatá [kl], pea mo e Ngaahi Tuʻunga Lea Faka-Tohitapu ke Fetalanoaʻaki Ai [td] ʻe fakatuʻunga mei ai ʻa e ngaahi kongá.
ʻOku totonu ke kamata ʻa e akó ʻi hono TAIMI TOTONÚ ʻaki ʻa e hiva, lotu mo e lea talitali fiefia pea hoko atu ʻo hangē ko ʻení:
KONGA FIKA 1: Miniti ʻe 15. ʻOku totonu ke fai ʻeni ʻe ha mātuʻa pe ko ha sevāniti fakafaifekau, pea ʻe makatuʻunga ia mei he Fāʻūtaha ʻi he Lotu ki he ʻOtua Moʻoni Pē Taha pe “All Scripture Is Inspired of God and Beneficial.” Ko e konga ko ʻení ʻoku totonu ke fai ia ko ha malanga fakahinohino miniti ʻe 10 ki he 12 pea hoko ai mo ha fakamanatu he miniti ʻe 3 ki he 5, ʻo ngāueʻaki ʻa e ngaahi fehuʻi kuo pulusi ʻi he tohí. ʻOku ʻikai ko hono taumuʻá ke fakamatalaʻi pē ka ko e fakahanga ʻa e tokangá ki he ʻaonga ʻo hono ngāueʻaki ʻo e fakamatala ʻoku faí, ʻo fakamamafaʻi ʻa ia ʻoku ʻaonga lahi taha ki he fakatahaʻangá. ʻOku totonu ke ngāueʻaki ʻa e kaveinga ʻoku hā aí. ʻOku fakalototoʻaʻi kotoa ke fai ha teuteu fakamākukanga ki muʻa koeʻuhi ke maʻu ʻe he kau fanongó ʻa e ʻaonga kakato mei he fakamatala ko iá. Ko e ngaahi tokoua ʻe vaheʻi ki he konga ko ʻení ʻoku totonu ke nau tokanga ke ngata pē he taimi kuo vaheʻi atú.
ʻE lava nai ke fai ha akonaki fakafoʻituitui ki ha tokotaha kapau ʻe fiemaʻu pe kapau ʻe kole ʻe he tokotaha malangá ke fai ia.
MEʻA MAHUʻINGA MEI HE LAU TOHITAPÚ: Miniti ʻe 6. ʻOku totonu ke fai ʻeni ʻe ha mātuʻa pe ko ha sevāniti fakafaifekau ʻa ia te ne fakahā ʻi he founga ola lelei ʻa e kaunga ʻo e fakamatalá ki he ngaahi fiemaʻu fakalotofonuá. ʻOku totonu ke ʻoua ʻe hoko ko ha fakamatala fakanounou pē ʻeni ʻo e meʻa naʻe vaheʻi ke lau. ʻOku lava nai ʻo fai ha fakamatala nounou ʻo e ngaahi vahe naʻe vaheʻí ʻi he sekoni ʻe 30 ki he 60. Kae kehe, ko e taumuʻa tefitó ia ke tokoniʻi ʻa e kau fanongó ke nau mahuʻingaʻia ki he ʻuhinga pea mo e founga ʻo ʻene ʻaonga kiate kitautolu ʻa e fakamatalá. ʻE toki tukuange atu leva ʻa e kau akó ki honau ngaahi loki akó ʻe he ʻovasia ʻo e akó.
KONGA FIKA 2: Miniti ʻe 5. Ko e lau Tohitapu ʻeni mei he meʻa kuo vaheʻi ke laú pea ʻe fai ʻe ha tokoua. ʻE fakahoko ʻeni ʻi he ako tefitó pea pehē ki he ngaahi kulupu kehé. Ko e meʻa kuo vaheʻi ke laú ʻoku faʻa nounou feʻunga pē ke fakafaingamālieʻi ʻa e tokotaha akó ke ne fai ha fakamatala mahino nounou ʻi he kamataʻangá pea mo ha fakamatala fakamulituku. ʻE lava ke kau nai ai ʻa e tuʻunga fakahisitōlia, ʻuhinga fakaekikite pe fakatokāteline, pea mo e kaunga ʻo e ngaahi tefitoʻi moʻoní. ʻOku totonu ke lau ʻa e ngaahi veesi kātoa naʻe vaheʻí ʻo ʻoua ʻe toe mālōlō. Ko hono moʻoní, ʻi he ʻikai ke hokohoko ʻa e ngaahi veesi ʻe laú, ʻe lava ke lave ʻa e tokotaha malangá ki he veesi ʻe hoko atu ki ai ʻa e laú.
KONGA FIKA 3: Miniti ʻe 5. ʻE vaheʻi ʻa e konga ko ʻení ki ha tuofefine. Ko e kaveinga ki he tuʻuakí ni ʻe makatuʻunga ia ʻi he ʻIlo ʻA Ia ʻOku Taki Atu ki he Moʻui Taʻengatá. Ko e fokotuʻutuʻú nai ko ha toe ʻaʻahi pe ko ha ako Tohitapu ʻi ʻapi, pea ko e faʻahinga ʻoku kau ki aí ʻe lava pē nai ke tangutu pe tuʻu. Ko e ʻovasia ʻo e akoʻangá ʻe tautefito ʻene houngaʻiá ʻi he founga ʻoku tokoniʻi ai ʻe he tokotaha akó ʻa e tokotaha-ʻapí ke fakaʻuhinga pea maʻu ʻa e mahino ʻo e fakamatalá pea ʻi he founga ke ngāueʻaki ai ʻa e ngaahi konga Tohitapú. Ko e tokotaha ako ʻoku vaheʻi ki ai ʻa e konga ko ʻení ʻoku totonu ke ne ʻilo ʻa e founga ke lautohi aí. ʻE vaheʻi ʻe he ʻovasia ʻo e akoʻangá ha tokotaha tokoni ʻe taha, ka ʻe lava pē ke toe tānaki atu mo ha tokotaha tokoni kehe. Ko e tokotaha akó te ne fakapapauʻi pe ʻe lau ʻe he tokotaha-ʻapí pe ʻikai ha ngaahi palakalafi ʻe niʻihi ʻi he tohí. ʻOku ʻikai ko e fokotuʻutuʻú ka ko hono ngāueʻaki ʻa e meʻa ʻoku fakamatalaʻí ʻoku mahuʻinga lahi taha ke fai ki ai ʻa e tokangá.
KONGA FIKA 4: Miniti ʻe 5. ʻE vaheʻi ʻeni ki ha tokoua pe ko ha tuofefine. ʻE makatuʻunga ia ʻi he ʻIlo ʻA Ia ʻOku Taki Atu ki he Moʻui Taʻengatá pe Ngaahi Tuʻunga Lea Faka-Tohitapu ke Fetalanoaʻaki Ai. Ka vaheʻi ki ha tokoua, ko e malanga leva ia ki he kau fanongó kotoa. ʻOku faʻa lelei taha ke teuteu ʻe he tokouá ʻene malangá pea mo fakakaukau ki he kau fanongo ʻi he Fale Fakatahaʻangá koeʻuhi ke hoko ko ha maʻuʻanga ʻilo mo ʻaonga moʻoni ia kiate kinautolu te nau fanongo ki aí. Ka vaheʻi ki ha tuofefine, ʻoku totonu ke fai ia ʻo fakatatau mo e fakamatala ki he Malanga Fika 3.
AKONAKI MO E NGAAHI FAKAMATALA: Hili ʻa e malanga ʻa e tokotaha ako taki taha, ʻe fai ʻe he ʻovasia ʻo e akoʻangá ha akonaki pau, ʻe ʻikai ke fuʻu fiemaʻu ia ke ne muimui he polokalama fakahokohoko ʻo e akonaki kuo fakahokohoko he lauʻi pepa Akonakiʻi He Leá. Ka, ʻoku totonu ke fakahanga ʻa ʻene tokangá ki he ngaahi tafaʻaki ʻe fiemaʻu ai ʻa e tokotaha akó ke ne fakalakalaka aí. Kapau ko e tokotaha ne malangá kuó ne maʻu ʻe ia ʻa e “L” pea ʻoku ʻikai toe ʻi ai ha anga ia ʻo e leá ʻoku fakaʻilongaʻi “F” pe “T,” pea ke hanga ʻe he tokotaha akonakí ʻo fakaʻilongaʻi fuopotopoto ʻa e puhá, ʻa ia ʻe hā ai ʻa e “L,” “F,” pe “T” ʻo e anga ʻo e lea ʻe ngāue ki ai ʻa e tokotaha akó ʻi he kahaʻú. Te ne fakahā ia ki he tokotaha akó ʻi he efiafi pē ko iá pea pehē ke toe fakahā ia ʻi he lauʻi pepa hono hoko ʻa e tokotaha akó, ʻa ia ko e Konga Kuo Vaheʻi ʻI He Ako Fakateokalati (S-89). Ko kinautolu ʻoku nau kau ʻi he akó ʻoku totonu ke nau nofo ʻi muʻa he holó. ʻE tokoni ia ki he tauhi ʻo e taimí pea malava ai foki ki he ʻovasia ʻo e akó ke ne fai ʻene akonakí fakahangatonu ki he kau akó taki taha. Fakatatau ki he taimí ʻi he ʻosi hono ʻoatu ʻa e akonaki ʻoku fiemaʻú, ʻoku malava ke fai ʻe he tokotaha akonakí ha fakamatala ʻi he ngaahi poini mahuʻinga mo ʻaonga naʻe ʻikai lave ki ai ʻa e kau akó. ʻOku totonu ke tokangaʻi ʻe he ʻovasia ʻo e akoʻangá ke ʻoua naʻa toe laka he miniti ʻe ua ʻa e akonakí mo e ngaahi fakamatala nounou kehe he ʻosi ʻa e tuʻuaki ʻa e tokotaha ako taki taha. Kapau ʻoku fiemaʻu ha akonaki ki he tokotaha naʻá ne fai ʻa e konga ʻo e meʻa mahuʻinga mei he Tohitapú, ʻe fai nai ha akonaki fakafoʻituitui ki ai.
KO E TEUTEU ʻO E NGAAHI KONGÁ: Ki muʻa ke teuteu ʻa e kongá, ʻoku totonu ki he kau akó ke nau lau fakamākukanga ʻa e fakamatala ʻi he School Guidebook ʻo fekauʻaki mo e anga ʻo e lea ʻoku ngāue ki aí. Ko e kau ako ʻoku vaheʻi ki he Konga Fika 2 te nau fili nai ha kaveinga ʻoku feʻungamālie mo e konga Tohitapu ʻe laú. ʻE teuteu ʻa e ngaahi konga kehé ʻo fakatatau ki he kaveinga ʻoku hā ʻi he fakahokohoko kuo pulusí. TAIMI: ʻOku ʻikai totonu ki ha taha ke ne ʻovataimi, pehē foki ki he akonaki mo e ngaahi fakamatala ʻa e faiakó. Ko e Konga Fika 2 ki he 4 ʻoku totonu ke taʻofi ʻi ha founga fakapotopoto ʻi he ʻosi ʻa e taimí. Ko e tokotaha kuo vaheʻi ke ne ʻoatu ʻa e fakaʻilonga ke tukú ʻoku totonu ke ne fai leva ia. ʻI he taimi ʻoku fai ai ʻe he ngaahi tokouá ʻa e Konga Fika 1 mo e Meʻa Mahuʻinga mei he Tohitapú ʻo ʻovataimí, ʻoku totonu ke akonakiʻi fakafoʻituitui kinautolu. Ko e polokalamá fakakātoa: miniti ʻe 45, ʻikai kau ai ʻa e hivá mo e lotú.
FAKAMANATU TOHINIMA: ʻI he taimi ki he taimi ʻe fai ha fakamanatu tohinima. ʻI he teuteu ki aí, fakamanatu ʻa e fakamatala naʻe vaheʻí pea fakaʻosi mo e lau Tohitapu naʻe vaheʻí. Ko e Tohitapú pē ʻe ngāueʻaki he lolotonga ʻa e fakamanatu miniti ʻe 25 ko ʻení. Ko e toenga ʻo e taimí ʻe fai ai ʻa e fakamatala ki he ngaahi fehuʻí mo e ngaahi talí. ʻE fakatonutonu pē ʻe he kau ako taki taha ʻenau pepá. Ko e ʻovasia ʻo e akoʻangá te ne lāulea mo e kau fanongó ki he ngaahi tali ʻo e ngaahi fehuʻi fakamanatú pea tokanga lahi ange ki he ngaahi fehuʻi faingataʻá, ʻo tokoniʻi kotoa ke mahino lelei ʻa e ngaahi talí. Kapau ʻoku ʻi ai ha ʻuhinga koeʻuhi ko ha ngaahi meʻa fakalotofonua, ko e fakamanatu tohinimá ʻe lava ke toki fai ia he ʻosi ha uike mei he fakahokohoko ʻoku haá.
NGAAHI FAKATAHAʻANGA LALAHÍ: Ko ha ngaahi fakatahaʻanga mo haʻane kau ako ʻe toko 50 pe toe lahi ange ai te nau fie fokotuʻutuʻu nai ha toe kulupu ʻo ha kau ako ke fai ʻa e ngaahi konga kuo fakahokohokó ki ha kau faiako kehe ia. Ko e moʻoni, ko e faʻahinga teʻeki ai papitaisó, ka ʻoku nau moʻui ʻo fakatatau ki he ngaahi tefitoʻi moʻoni faka-Kalisitiané ʻe lava ke nau kau ki he akó pea maʻu ha konga kuo vaheʻi mai. KAU LIʻAKÍ: ʻE lava ke fakahā ʻe he tokotaha kotoa he fakatahaʻangá ʻa ʻenau houngaʻia ki he akoʻangá ni ʻaki ʻenau feinga ke ʻi ai he uike kotoa pē, ʻaki ʻenau teuteu lelei ʻenau ngaahi kongá, pea ʻaki ʻenau kau he taimi ʻo e ngaahi fehuʻi kae talí. ʻOku ʻamanekina ko e kau akó kotoa te nau sio ki heʻenau ngaahi kongá mo e loto-tōnunga. Kapau ʻe ʻikai ke ʻi ai ʻa e tokotaha ako naʻe vaheʻí, ko ha tokotaha pole te ne fai nai ʻa e kongá, ʻo fakamatala ʻa e ʻaonga ʻo e konga ko iá ʻo fakatatau ki heʻene malavá koeʻuhi ko e kiʻi taimi nounou ke teuteu aí. Pe ʻe fai ʻe he ʻovasia ʻo e akoʻangá ʻa e konga ko iá mo fakakau mai ki ai ʻa e kau fanongó.
FAKAHOKOHOKO
San. 6 Lau Tohitapu: Sākalaia 1 ki he 5
Hiva Fika 135
Fika 1: Talateu ki he Tohi Sākalaiá (si p. 168-169 pal. 1-7)
Fika 2: Sākalaia 2:1-13
Fika 3: ʻOku Fiemaʻu Koe ʻe he ʻOtuá ke Ke Maʻu ha Kahaʻu Fiefia (kl p. 6-7 pal. 1-5)
Fika 4: Moʻui Taʻengata ʻi he Palataisí—ʻOku ʻIkai ko ha Misi (kl p. 7-9 pal. 6-10)
San. 13 Lau Tohitapu: Sākalaia 6 ki he 9
Hiva Fika 151
Fika 1: ʻOku Maʻu ʻe Sīsū ʻa e Ngaahi Kī ʻo Mate mo Hētesí (uw p. 73-76 pal. 8-15)
Fika 2: Sākalaia 7:1-14
Fika 3: Ko e Faʻahinga Moʻui ʻE ʻi he Palataisí (kl p. 9-10 pal. 11-16)
Fika 4: ʻUhinga ʻOku Mātuʻaki Mahuʻinga Ai ʻa e ʻIloʻi ʻo e ʻOtuá (kl p. 10-11 pal. 17-19)
San. 20 Lau Tohitapu: Sākalaia 10 ki he 14
Hiva Fika 98
Fika 1: Sākalaia—ʻUhinga ʻOku ʻAonga Aí (si p. 171-172 pal. 23-27)
Fika 2: Sākalaia 12:1-14
Fika 3: Ko e Tohi ʻOkú Ne Fakahaaʻi Mai ʻa e ʻIloʻi ʻo e ʻOtuá (kl p. 12-13 pal. 1-6)
Fika 4: Ko e Meʻa ʻOku Fakahaaʻi ʻe he Tohitapú Fekauʻaki mo e ʻOtuá (kl p. 13-15 pal. 7-9)
San. 27 Lau Tohitapu: Malakai 1 ki he 4
Hiva Fika 107
Fika 1: Talateu ki he Tohi Malakaí mo e ʻUhinga ʻOku ʻAonga Aí (si p. 172-173 pal. 1-6; p. 174-175 pal. 13-17)
Fika 2: Malakai 1:6-14
Fika 3: ʻUhinga ʻOku Lava Ai ke Ke Falala ki he Tohitapú (kl p. 15-16 pal. 10-13)
Fika 4: Ko e Tohitapú ʻOku Tonu mo Falalaʻanga (kl p. 17 pal. 14, 15)
Fep. 3 Lau Tohitapu: Mātiu 1 ki he 3
Hiva Fika 42
Fika 1: Talateu ki he Tohi Mātiú (si p. 175-177 pal. 1-10)
Fika 2: Mātiu 2:1-15
Fika 3: Ko e Tohitapú ko ha Tohi ʻo e Kikite (kl p. 17-18 pal. 16-18)
Fika 4: Ngaahi Kikite ʻa e Tohitapú Fekauʻaki mo Sīsū (kl p. 19-21 pal. 19, 20)
Fep. 10 Lau Tohitapu: Mātiu 4 mo e 5
Hiva Fika 163
Fika 1: Houngaʻia ʻi he Tuʻuloa ʻa e Puleʻanga ʻo e ʻOtuá (uw p. 78-81 pal. 1-9)
Fika 2: Mātiu 4:1-17
Fika 3: ʻAi ke Holi Lahi ki he ʻIloʻi ʻo e ʻOtuá (kl p. 21-22 pal. 21-23)
Fika 4: Ko e ʻOtua Moʻoní mo Hono Huafá (kl p. 23-24 pal. 1-5)
Fep. 17 Lau Tohitapu: Mātiu 6 mo e 7
Hiva Fika 222
Fika 1: Ko e Meʻa ʻE Fakahoko ʻe he Puleʻanga ʻo e ʻOtuá (uw p. 81-82 pal. 10-12)
Fika 2: Mātiu 7:1-14
Fika 3: ʻUhinga ʻOku Totonu ke Ke Ngāueʻaki Ai ʻa e Huafa ʻo e ʻOtuá (kl p. 24-25 pal. 6-8)
Fika 4: Founga Naʻe ʻAi Ai ʻe Sihova ke Māʻolunga Hono Huafá (kl p. 25-27 pal. 9-13)
Fep. 24 Lau Tohitapu: Mātiu 8 mo e 9
Hiva Fika 162
Fika 1: Meʻa Kuo ʻOsi Fakahoko ʻe he Puleʻangá (uw p. 83-86 pal. 13-15)
Fika 2: Mātiu 8:1-17
Fika 3: Ngaahi ʻUlungaanga ʻo e ʻOtua Moʻoní (kl p. 27-28 pal. 14-16)
Fika 4: Ko e ʻOtua ko Sihová ʻOku ʻAloʻofa mo Anga-Lelei (kl p. 28-29 pal. 17-19)
Mas. 3 Lau Tohitapu: Mātiu 10 mo e 11
Hiva Fika 172
Fika 1: Founga ke Tau Fuofua Kumi Ai ki he Puleʻangá (uw p. 87-89 pal. 1-6)
Fika 2: Mātiu 11:1-15
Fika 3: Ko Sihová ʻOku Tuai ki he Houhau, Taʻefilifilimānako, pea Māʻoniʻoni (kl p. 30 pal. 20, 21)
Fika 4: ʻOku Taha Pē ʻa e ʻOtua ko Sihová (kl p. 30-31 pal. 22, 23)
Mas. 10 Lau Tohitapu: Mātiu 12 mo e 13
Hiva Fika 133
Fika 1: Muimui he Sīpinga ʻa e Muʻaki Kau Ākongá (uw p. 90-91 pal. 7-9)
Fika 2: Mātiu 12:22-37
Fika 3: Ko Sīsū Kalaisi ko e Kī ki he ʻIloʻi ʻo e ʻOtuá (kl p. 32 pal. 1-3)
Fika 4: Ko e Mīsaia Naʻe Talaʻofaʻaki Maí (kl p. 33 pal. 4, 5)
Mas. 17 Lau Tohitapu: Mātiu 14 mo e 15
Hiva Fika 129
Fika 1: Hanganaki Fakamuʻomuʻa ʻa e Puleʻangá ʻi Hoʻo Moʻuí (uw p. 91-94 pal. 10-15)
Fika 2: Mātiu 14:1-22
Fika 3: Ko e Laine Hohoko ʻo Sīsuú ʻOku Fakapapauʻi Ai ko Ia ʻa e Mīsaiá (kl p. 34 pal. 6)
Fika 4: Ko e Fakahoko ʻo e Kikité ʻOku Fakapapauʻi Ai ko Sīsū ʻa e Mīsaiá (kl p. 34-36 pal. 7, 8)
Mas. 24 Lau Tohitapu: Mātiu 16 mo e 17
Hiva Fika 151
Fika 1: Meʻa ʻOku Leaʻaki ʻe he Ngaahi Konga Tohitapú Fekauʻaki mo e Papitaiso Naʻe Fai ʻe Sioné (uw p. 95-96 pal. 1-5)
Fika 2: Mātiu 17:14-27
Fika 3: Fakamoʻoni Kehe ko Sīsū ʻa e Mīsaiá (kl p. 36 pal. 9)
Fika 4: Faifakamoʻoni ʻa Sihova Fekauʻaki mo Hono ʻAló (kl p. 38 pal. 10, 11)
Mas. 31 Lau Tohitapu: Mātiu 18 mo e 19
Hiva Fika 84
Fika 1: Ko e Hā ʻa e Papitaiso ki he Maté? (uw p. 97-98 pal. 6-8)
Fika 2: Mātiu 19:16-30
Fika 3: Ko e ʻI Ai ʻa Sīsū Ki Muʻa ke Hoko ko e Tangatá (kl p. 39 pal. 12-14)
Fika 4: ʻAlunga ʻo e Moʻui ʻa Sīsū ʻi he Māmaní (kl p. 40 pal. 15-17)
ʻEp. 7 Lau Tohitapu: Mātiu 20 mo e 21
Hiva Fika 107
Fika 1: Ko e Hā ʻa e ʻUhinga ke Papitaiso “ki he Huafa ʻo e Tamai mo e ʻAlo mo e Laumalie Maʻoniʻoni”? (uw p. 98 pal. 9)
Fika 2: Mātiu 20:1-16
Fika 3: ʻOku Lolotonga Moʻui ʻa Sīsū pea Pule ko e Tuʻi (kl p. 41-42 pal. 18-20)
Fika 4: Ko e Lotu ʻOku Tali ʻe he ʻOtuá (kl p. 43-45 pal. 1-5)
ʻEp. 14 Lau Tohitapu: Mātiu 22 mo e 23
Hiva Fika 56
Fika 1: Ko Hono Fakahoko ʻa e ʻUhinga ʻo ʻEtau Papitaisó (uw p. 99-102 pal. 10-14)
Fika 2: Mātiu 23:1-15
Fika 3: Ko Hono Fai ʻa e Finangalo ʻo e ʻOtuá (kl p. 46-47 pal. 6-10)
Fika 4: Lotu ki he ʻOtuá ʻi Heʻene Foungá (kl p. 47-48 pal. 11-13)
ʻEp. 21 Lau Tohitapu: Mātiu 24 mo e 25
Hiva Fika 151
Fika 1: Ko Hono ʻIlo Fakapapauʻi ʻa e Fuʻu Kakai Lahí (uw p. 103-104 pal. 1-4)
Fika 2: Mātiu 24:32-44
Fika 3: Fakaʻehiʻehi mei Hono Fakalotomamahiʻi ʻa e ʻOtuá (kl p. 49-50 pal. 14-17)
Fika 4: Tauhi ʻa e Ngaahi Tuʻunga Māʻolunga ʻa e ʻOtuá (kl p. 50-51 pal. 18, 19)
ʻEp. 28 Fakamanatu Tohinima. Fakaʻosi Sākalaia 1-14; Mal 1-4 ki he Mātiu 1-25
Hiva Fika 162
Mē 5 Lau Tohitapu: Mātiu 26
Hiva Fika 14
Fika 1: Ko e Hā ʻOku Fiemaʻu Kae Hao Moʻui Atu he Mamahi Lahí? (uw p. 105 pal. 5)
Fika 2: Mātiu 26:31-35, 69-75
Fika 3: ʻOatu Kia Sihova ʻa e Lotu ʻAufuatoó (kl p. 51-52 pal. 20-22)
Fika 4: Naʻe ʻIkai Ngaohi ʻa e Tangatá ke Mate (kl p. 53 pal. 1–3)
Mē 12 Lau Tohitapu: Mātiu 27 mo e 28
Hiva Fika 195
Fika 1: Mātiu—ʻUhinga ʻOku ʻAonga Aí (si p. 180-181 pal. 29-33)
Fika 2: Mātiu 27:11-26
Fika 3: Ko ha Faʻufaʻu Fakafufū Kākā (kl p. 55-56 pal. 4-7)
Fika 4: Founga Naʻe Fakahoko Ai ʻe Sētane ʻEne Faʻufaʻu Fakafufuú (kl p. 56-58 pal. 8-12)
Mē 19 Lau Tohitapu: Maʻake 1 mo e 2
Hiva Fika 149
Fika 1: Talateu ki he Tohi Maʻaké (si p. 181-183 pal. 1-11)
Fika 2: Maʻake 1:12-28
Fika 3: Founga ʻo e Mafola Mai ʻa e Angahalá mo e Maté (kl p. 58-59 pal. 13-15)
Fika 4: Tokanga Telia ʻa e Ngaahi Founga ʻa Sētané (kl p. 59-60 pal. 16-18)
Mē 26 Lau Tohitapu: Maʻake 3 mo e 4
Hiva Fika 212
Fika 1: ʻUhinga ʻOku Hao Moʻui Atu Ai ʻa e Fuʻu Kakai Lahí he Mamahi Lahí (uw p. 106-107 pal. 6-8)
Fika 2: Maʻake 3:1-15
Fika 3: Tui pea Hoko ʻo Mateuteu ki ha Fakafepaki (kl p. 60-61 pal. 19-21)
Fika 4: Ko e Founga ʻa e ʻOtuá ki Hono Fakahaofi ʻa e Faʻahinga ʻo e Tangatá (kl p. 62-63 pal. 1-5)
Sune 2 Lau Tohitapu: Maʻake 5 mo e 6
Hiva Fika 220
Fika 1: ʻUhinga ke Tau Koloaʻaki Ai Hotau Palataisi Fakalaumālié (uw p. 107-108 pal. 9-13)
Fika 2: Maʻake 5:21-24, 35-43
Fika 3: ʻUhinga Ne Pekia Ai ʻa e Mīsaiá (kl p. 63-65 pal. 6-11)
Fika 4: Founga Naʻe Totongi Ai ʻa e Huhuʻí (kl p. 65-68 pal. 12-16)
Sune 9 Lau Tohitapu: Maʻake 7 mo e 8
Hiva Fika 207
Fika 1: Ko e Hā ʻa e ʻUhinga ʻOku Tokosiʻi Ai ʻa e Kau ʻEa ki he Puleʻangá ʻi Māmani he ʻAho Ní? (uw p. 110-112 pal. 1-7)
Fika 2: Maʻake 7:24-37
Fika 3: Huhuʻi ʻa Kalaisí pea mo Koe (kl p. 68-69 pal. 17-20)
Fika 4: Ko e ʻOtuá ʻOku Tupunga mei Ai ʻa e Faingataʻaʻia ʻa e Faʻahinga ʻo e Tangatá? (kl p. 70-72 pal. 1-5)
Sune 16 Lau Tohitapu: Maʻake 9 mo e 10
Hiva Fika 168
Fika 1: Ngaahi Foha Fakalaumālie—Anga-Fēfē ʻEnau ʻIló? (uw p. 112-113 pal. 8-10)
Fika 2: Maʻake 9:14-29
Fika 3: Ko ha Kamataʻanga Haohaoa mo ha Pole Loto-Kovi (kl p. 72-73 pal. 6-10)
Fika 4: Ko e Ngaahi Fakakikihi Moʻoní pea mo e Founga ʻa Sihova ki Hono Solova Kinautolú (kl p. 74-76 pal. 11-15)
Sune 23 Lau Tohitapu: Maʻake 11 mo e 12
Hiva Fika 87
Fika 1: Ko e Hā Hono ʻUhinga ʻo e Kātoanga Fakamanatú? (uw p. 114-115 pal. 11-14)
Fika 2: Maʻake 11:12-25
Fika 3: Ko e Meʻa Kuo Fakamoʻoniʻi ʻi Hono Fakangofua ʻe he ʻOtuá ʻa e Fulikivanú (kl p. 76-77 pal. 16-19)
Fika 4: Ko e Tafaʻaki ʻa Hai ʻOkú Ke Tuʻu Ki Aí? (kl p. 78-79 pal. 20-23)
Sune 30 Lau Tohitapu: Maʻake 13 mo e 14
Hiva Fika 120
Fika 1: Ko Hono ʻIlo Fakapapauʻi ʻa e Kautaha Hā Mai ʻa Sihová (uw p. 117-118 pal. 1-3)
Fika 2: Maʻake 14:12-26
Fika 3: Ko e Hā ʻOku Hoko ki he Faʻahinga Naʻa Tau ʻOfa Ai Kuo Maté? (kl p. 80-81 pal. 1-6)
Fika 4: Ko e ʻUhinga Moʻoni ʻo e Toe Foki ki he Efú (kl p. 82-83 pal. 7-10)
Siu. 7 Lau Tohitapu: Maʻake 15 mo e 16
Hiva Fika 195
Fika 1: Maʻake—ʻUhinga ʻOku ʻAonga Aí (si p. 186 pal. 31-33)
Fika 2: Maʻake 15:16-32
Fika 3: Ko e Hā ʻa e Tuʻunga ʻOku ʻI Ai ʻa e Maté? (kl p. 83-84 pal. 11-14)
Fika 4: Ko e Faʻahinga Kotoa ʻi he Manatu ʻa Sihová Te Nau Toetuʻu (kl p. 85-87 pal. 15-18)
Siu. 14 Lau Tohitapu: Luke 1
Hiva Fika 212
Fika 1: Talateu ki he Tohi Luké (si p. 187-188 pal. 1-9)
Fika 2: Luke 1:5-17
Fika 3: Toetuʻú ki Fē? (kl p. 88-89 pal. 19-22)
Fika 4: Ko e Puleʻanga ʻo e ʻOtuá mo Hono Taumuʻá (kl p. 90-91 pal. 1-5)
Siu. 21 Lau Tohitapu: Luke 2 mo e 3
Hiva Fika 163
Fika 1: ʻOku Fakateokalati ʻa e Kautaha ʻa e ʻOtuá (uw p. 118-119 pal. 4-7)
Fika 2: Luke 2:1-14
Fika 3: Ko e Puleʻanga ʻo e ʻOtuá ko ha Founga-Pule (kl p. 91-92 pal. 6-7)
Fika 4: Founga Te Tau ʻIlo Ai ko e Puleʻanga ʻo e ʻOtuá ʻOku Moʻoni (kl p. 92-93 pal. 8-11)
Siu. 28 Lau Tohitapu: Luke 4 mo e 5
Hiva Fika 107
Fika 1: Ko e Ngafa Fakatohitapu ʻo e Faʻahinga ʻOku Takimuʻá (uw p. 120-122 pal. 8-12)
Fika 2: Luke 4:31-44
Fika 3: ʻUhinga ko e Puleʻanga Ai ʻo e ʻOtuá ko e ʻAmanakiʻanga Pē Ia ʻe Taha ki he Faʻahinga ʻo e Tangatá (kl p. 94-95 pal. 12-13)
Fika 4: ʻUhinga Naʻe ʻIkai ke Kamata Pule Ai ʻa Sīsū Hili Pē ʻEne Hāʻele Hake ki Hēvaní (kl p. 95-96 pal. 14-15)
ʻAo. 4 Lau Tohitapu: Luke 6 mo e 7
Hiva Fika 113
Fika 1: Ko Hono ʻAnalaiso ʻEtau Houngaʻia ki he Kautaha ʻa e ʻOtuá (uw p. 123 pal. 13-14)
Fika 2: Luke 6:37-49
Fika 3: Naʻe Kamata pea Ngata ʻAnefē ʻa e Ngaahi Kuonga ʻo e Senitailé? (kl p. 96-97 pal. 16-18)
Fika 4: Ko e Kuonga Fakamuí ʻEni (kl p. 98-99 pal. 1-4)
ʻAo. 11 Lau Tohitapu: Luke 8 mo e 9
Hiva Fika 172
Fika 1: Ko e Hā ʻa e ʻUhinga ke Tokanga Ai ki he Faleʻí? (uw p. 125-126 pal. 1-4)
Fika 2: Luke 9:23-36
Fika 3: Ko e Hā ʻa e Ngaahi Tafaʻaki ʻe Niʻihi ʻo e Kuonga Fakamuí? (kl p. 99-103 pal. 5-7)
Fika 4: Ololalo ʻa e ʻUlungaanga ʻo e Faʻahinga ʻo e Tangatá Ne Fuatala ʻe Hoko ʻi he Kuonga Fakamuí (kl p. 103-104 pal. 8-12)
ʻAo. 18 Lau Tohitapu: Luke 10 mo e 11
Hiva Fika 42
Fika 1: Ngaahi Faʻifaʻitakiʻanga Lelei ʻo e Faʻahinga Naʻa Nau Tali ʻa e Faleʻí (uw p. 127-128 pal. 5-6)
Fika 2: Luke 11:37-51
Fika 3: Tafaʻaki Laulōtaha ʻe Ua ʻo e Kuonga Fakamuí (kl p. 105 pal. 13-14)
Fika 4: Anga ʻo e Tali ki he Fakamoʻoní ko e Kuonga Fakamuí ʻEni (kl p. 106-107 pal. 15-17)
ʻAo. 25 Fakamanatu Tohinima. Fakaʻosi Mātiu 26-28; Maʻake 1-16 ki he Luke 1-11
Hiva Fika 120
Sep. 1 Lau Tohitapu: Luke 12 mo e 13
Hiva Fika 163
Fika 1: Fakatupulekina ʻa e Ngaahi ʻUlungaanga Taʻefakatataua (uw p. 128-130 pal. 7-11)
Fika 2: Luke 13:1-17
Fika 3: ʻOku ʻI Ai ʻa e Ngaahi Kongakau Laumālie Anga-Fulikivanu! (kl p. 108 pal. 1-3)
Fika 4: Kau ʻĀngelo Anga-Fulikivanú ʻOku Nau Kau Fakataha mo Sētane (kl p. 109 pal. 4-5)
Sep. 8 Lau Tohitapu: Luke 14 ki he 16
Hiva Fika 98
Fika 1: ʻOua ʻe Talitekeʻi ʻa e Akonaki ʻa Sihová (uw p. 130-131 pal. 12-14)
Fika 2: Luke 14:1-14
Fika 3: Talitekeʻi ʻa e Ngaahi Founga Kotoa ʻo e Fakahaʻele Faʻahikehé (kl p. 111-112 pal. 6-8)
Fika 4: td 53E ʻOku Lahi Ange ʻa e Tamaí ʻi he ʻAló
Sep. 15 Lau Tohitapu: Luke 17 mo e 18
Hiva Fika 98
Fika 1: Ko e ʻOfá ʻOku ʻIlo Fakapapau Ai ʻa e Kau Kalisitiane Moʻoní (uw p. 132-133 pal. 1-5)
Fika 2: Luke 17:22-37
Fika 3: ʻUhinga ʻOku Fakahalaiaʻi Ai ʻe he Tohitapú ʻa e Fakahaʻele Faʻahikehé (kl p. 112-113 pal. 9-11)
Fika 4: td 53H Founga ʻOku Taha Ai ʻa e ʻOtuá mo Kalaisí
Sep. 22 Lau Tohitapu: Luke 19 mo e 20
Hiva Fika 51
Fika 1: Ko e Meʻa ke Fai ʻi he Malanga Hake ha Ngaahi Palopalema (uw p. 134-135 pal. 6-9)
Fika 2: Luke 19:11-27
Fika 3: ʻOku Fakahā Mai ʻe he Tohitapú ʻa e Founga ʻOku Ngāue Ai ʻa e Kau Laumālie Anga-Fulikivanú (kl p. 113-114 pal. 12-13)
Fika 4: td 40E Hanganaki Faifakamoʻoni Longomoʻui
Sep. 29 Lau Tohitapu: Luke 21 mo e 22
Hiva Fika 163
Fika 1: Fakaleleiʻi ʻa e Ngaahi Palopalemá ʻi he Founga Fakatohitapú (uw p. 135-136 pal. 10-13)
Fika 2: Luke 22:24-38
Fika 3: Founga ke Talitekeʻi Ai ʻa e Kau Laumālie Anga-Fulikivanú (kl p. 114-115 pal. 14-15)
Fika 4: td 40L ʻAi ke Maʻa Maʻu Pē mei he Toto ʻo e Tangata Kotoa Pē
ʻOka. 6 Lau Tohitapu: Luke 23 mo e 24
Hiva Fika 212
Fika 1: Luke—ʻUhinga ʻOku ʻAonga Aí (si p. 192-193 pal. 30-35)
Fika 2: Luke 23:32-49
Fika 3: Founga ke ʻAi Ai ke Mālohi Hoʻo Tuí (kl p. 115-116 pal. 16-17)
Fika 4: td 55A ʻUhinga Kuo Pau Ai ke Fakaʻehiʻehi ʻa e Kau Kalisitiané mei he Totó
ʻOka. 13 Lau Tohitapu: Sione 1 ki he 3
Hiva Fika 143
Fika 1: Talateu ki he Tohi Sioné (si p. 193-195 pal. 1-9)
Fika 2: Sione 1:19-34
Fika 3: Hokohoko Atu ʻa Hoʻo Tauʻi ʻa e Kau Laumālie Anga-Fulikivanú (kl p. 116-117 pal. 18-20)
Fika 4: td 55E Ko e Talangofua ki he ʻOtuá ko e Meʻa Muʻomuʻa Ia ki he Kau Kalisitiané
ʻOka. 20 Lau Tohitapu: Sione 4 mo e 5
Hiva Fika 163
Fika 1: Fekumi ki he Ngaahi Founga ke ‘Fano Atu’ Ai ʻi he ʻOfá (uw p. 137-138 pal. 14-17)
Fika 2: Sione 4:39-54
Fika 3: ʻOku ʻOmai ʻe he Moʻuiʻaki ha Moʻui Anga-Fakaʻotuá ʻa e Fiefiá (kl p. 118-119 pal. 1-4)
Fika 4: td 29A Ko e Hā ʻOku Mate Ai ʻa e Kakaí?
ʻOka. 27 Lau Tohitapu: Sione 6 mo e 7
Hiva Fika 87
Fika 1: Ngāueʻaki ʻa e Anga-Līʻoa Faka-ʻOtuá ʻi ʻApi (uw p. 139 pal. 1-2)
Fika 2: Sione 6:52-71
Fika 3: ʻOku Iku ʻa e Faitotonú ki he Fiefia (kl p. 119-120 pal. 5-6)
Fika 4: td 29E Ko e Hā ʻa e Tuʻunga ʻOku ʻI Ai ʻa e Kau Maté?
Nōv. 3 Lau Tohitapu: Sione 8 mo e 9
Hiva Fika 48
Fika 1: Ko e Meʻa ʻOku Leaʻaki ʻe he Tohitapú Fekauʻaki mo e Malí, Vete Malí, pea mo e Māvaé (uw p. 140 pal. 3)
Fika 2: Sione 9:18-34
Fika 3: ʻOku ʻOmai ʻe he Nima-Homó ʻa e Fiefia (kl p. 120 pal. 7-8)
Fika 4: td 29F ʻUhinga ʻOku ʻIkai ʻAupito Malava Ai ke Fai ha Talanoa mo e Kau Maté
Nōv. 10 Lau Tohitapu: Sione 10 mo e 11
Hiva Fika 42
Fika 1: Ngaahi Meʻa Tefito ki he Nofo Mali Lavameʻá (uw p. 140-141 pal. 4-5)
Fika 2: Sione 10:22-39
Fika 3: Tauhi Hoʻo Ngaahi Malava Fakaefakakaukaú pea Fakaʻehiʻehi mei he Meʻa ʻOku Koví (kl p. 121 pal. 9-10)
Fika 4: td 49E Ko e Pule Taʻehāmai ʻo e Māmaní ko e Tēvoló
Nōv. 17 Lau Tohitapu: Sione 12 mo e 13
Hiva Fika 51
Fika 1: Fakahoko Ho Ngafa ʻi he Fokotuʻutuʻu Fakafāmili ʻa e ʻOtuá (uw p. 142-143 pal. 6-10)
Fika 2: Sione 12:1-16
Fika 3: Anga-Tonu ki he Hoa Malí ʻOku ʻOmai Ai ʻa e Fiefia ʻi he Nofo Malí (kl p. 122-123 pal. 11-13)
Fika 4: td 18A Ko e Kau Palōfita Loí ʻOku ʻIkai ko e Meʻa Foʻou
Nōv. 24 Lau Tohitapu: Sione 14 ki he 16
Hiva Fika 162
Fika 1: ʻAi ʻa e Tohitapú ke Hoko ko Ho Matavai ʻo e Faleʻí (uw p. 144 pal. 11-13)
Fika 2: Sione 16:1-16
Fika 3: Ke ʻIkai ʻo Māmani (kl p. 123-125 pal. 14-15)
Fika 4: td 15E Toko 144,000 Pē ʻE Ō ki Hēvaní
Tīs. 1 Lau Tohitapu: Sione 17 mo e 18
Hiva Fika 114
Fika 1: ʻUhinga ʻOku Mahuʻinga Ai Kiate Kitautolu ʻa e Lao ʻia Mōsesé (uw p. 146-147 pal. 1-4)
Fika 2: Sione 18:1-14
Fika 3: ʻUhinga ʻOku ʻIkai ke Fakamanatu Ai ʻe he Kalisitiane Moʻoní ʻa e Kilisimasí pe Ngaahi Faiʻahó (kl p. 126 pal. 16-17)
Fika 4: td 14E Ko Helí ʻOku ʻIkai ko ha Feituʻu ʻo e Afi Fakamamahi
Tīs. 8 Lau Tohitapu: Sione 19 ki he 21
Hiva Fika 42
Fika 1: Sione—ʻUhinga ʻOku ʻAonga Aí (si p. 198-199 pal. 30-35)
Fika 2: Sione 19:25-37
Fika 3: Hanganaki Fakamanatu ʻa e Kai Efiafi ʻa e ʻEikí (kl p. 127 pal. 18)
Fika 4: td 13A ʻOku ʻI Ai ʻa e Lotu Moʻoni Pē ʻe Taha
Tīs. 15 Lau Tohitapu: Ngāue 1 ki he 3
Hiva Fika 48
Fika 1: Talateu ki he Tohi Ngāué (si p. 199-200 pal. 1-8)
Fika 2: Ngāue 1:1-14
Fika 3: Founga ʻOku Ngāueʻaki Ai ʻa e Ngaahi Tefitoʻi Moʻoni ʻo e Tohitapú ki he Ngāué mo e Fakafiefiá (kl p. 127-128 pal. 19-20)
Fika 4: td 13E Ko ha Lēvani Siʻisiʻi ʻOku Tupu Ai ʻa e Takaongá Kotoa
Tīs. 22 Lau Tohitapu: Ngāue 4 ki he 6
Hiva Fika 113
Fika 1: Ngaahi ʻUhinga Fakatohitapu ki he ʻUhinga ʻOku ʻIkai Ai ke Tau ʻi he Malumalu ʻo e Lao ʻia Mōsesé (uw p. 147-148 pal. 5-6)
Fika 2: Ngāue 5:27-42
Fika 3: Fakahā ʻa e Tokaʻi ʻo e Moʻuí mo e Totó (kl p. 128-129 pal. 21-23)
Fika 4: td 17A Ko e Hā ʻa e Tupuʻanga ʻo e Kau Fakamoʻoni ʻa Sihová?
Tīs. 29 Fakamanatu Tohinima. Fakaʻosi Luke 12-24; Sione 1-21 ki he Ngāue 1-6
Hiva Fika 98