Hiva 6

Talaki ʻa e Ongoongo Lelei Taʻengatá

(Fakahā 14:6-8)

1. Puna takai e ʻāngelo ʻa Sihová,

Mo e ongoongo lelei taʻengatá.

ʻO ne lea: ‘Manavahē mo vikia,

Lotu pē ki he ʻOtua ko Sihová.

Kuo hoko e houa fakamaau,

ʻIlo Hono mafí ʻe fulikivanu.’

Kau malangaʻi ʻo e Puleʻangá,

Lea loto-toʻa taʻeilifia.

2. Tala he ʻāngelo uá leva e hā

Ki he Fakamoʻoni ē ʻa Sihová?

Kuo tō ʻa Pāpilone ia ko e Lahí,

ʻE vavé ni ke fai ʻa hono havekí.

Fekau mai ʻe Sihova ke fakahā

E tauteá pehē ʻEne tonuhiá.

Lahi fau malaʻe ke malangaʻí,

Tataki ia ʻe he ʻāngelo ʻi langí.

3. Ko e ʻAlo ē mo ʻene kau ʻāngelo,

Fakamāu ngāhi fonua hotau ʻahó.

Fakaliliʻa he koví. Failelei.

Manavahē kia Sihova mo tauhi.

Fatongia haʻu mei hotau ʻEikí,

‘Malangaʻi e ongoongo leleí.’

ʻOku tau enginaki fai loto-toʻa,

“Haʻu, hū ki he ʻOtua ko Sihová.”