Naʻe Faʻu Ia ke Pehē?

Kiliʻi ʻAnga

● Ki he sio ʻa e matá, ʻoku hā molemole mai ʻa e kili ʻo ha ʻanga. Ka ʻo kapau ʻe lava ke ke ala ki ai—ko e moʻoni ʻi ha tuʻunga malu—te ke ʻiloʻi ai ko hono moʻoní ko e kiliʻi ʻangá ʻoku hangē ia ha sanipepá ʻi he taimi te ke tohoʻi ai ho nimá mei he hikú ki he ʻulú.a

Fakakaukau: Ko e fanga kiʻi ʻuno tongitongi valevale ʻoku tupu ai ʻa e meʻá ni ʻoku tokoni ia ki he ʻangá ʻi he founga ʻe ua. ʻUluakí, ʻoku nau vaheʻi ʻa e tahí, ʻo ʻai ai ʻa e ʻangá ke vave ʻene lelé. Uá, ʻoku mapelu ʻa e fanga kiʻi ʻunó ʻi he lele ʻa e ʻangá, ʻo ʻikai fakaʻatā ke ʻi ai ha nofoʻanga palasaiti.

Ko e faʻunga ʻo e kiliʻi ʻangá ʻoku lahi ʻaupito ʻa hono ʻaongá. Hangē ko ení, kuo ʻosi faʻu ʻe he kau saienisí ha teunga kakau ʻo fakatatau ʻa tuʻa ki he kili ʻo e ʻangá ʻo toe kiʻi vave ange ai ʻa e kakau ʻa e tokotaha ʻokú ne tuí. ʻOku nau tui ʻe lava ke ngāueʻaki ʻa e founga tatau ke faʻuʻaki ha ngaahi kā mo e vaka ʻoku vave ange ʻene lelé.

ʻOku toe ʻamanaki ʻa e kau fakatotoló ke faʻifaʻitaki ki he faʻunga haisini ʻo e kiliʻi ʻangá ke faʻuʻaki ha vali maluʻi ʻo e vaká mei he fanga kiʻi meʻamoʻui maumaú ʻa ia ʻe lelei ange ia ki he ʻātakaí ʻi he vali mētale koná. Ko hono toe ngāueʻaki kehé ʻoku kau ki ai ʻa e ngaahi meʻa fakafaitoʻo mo e ngaahi meʻangāue ʻa ia ʻe fakasiʻisiʻi ai ʻa e fakatuʻutāmaki ʻo hono maʻu ʻa e mahaki pipihi mei he falemahakí.

Ko e hā hoʻo fakakaukaú? Ko e kiliʻi ʻangá—fakataha mo e ivi feʻunga ʻi aí mo e faʻunga haisiní—ʻoku hokonoa mai? Pe naʻe faʻu ia ke pehē?

[Fakamatala ʻi lalo]

[Fakatātā ʻi he peesi 16]

Fakaʻata lahi ʻo e ʻunoʻi ʻangá

[Credit Lines ʻi he peesi 16]

ʻUno: © Eye of Science/Photo Researchers, Inc.; ʻanga: © Image Source/age fotostock