Vahevahe Atu ʻa e “Ngaahi Meʻa Lelei” ʻAki ʻa e Hoko ʻo Anga-Talitali Kakai (Māt. 12:35a)

Ko kitautolu kotoa ʻoku ʻikai ha veiveiua ʻoku tau loto ke vahevahe atu ʻa e “ngaahi meʻa lelei” ki he niʻihi kehé ʻaki ʻa e muimui “ʻi he ʻalunga ʻo e anga-talitali kakaí.” (Loma 12:13) ʻOku takimuʻa ʻa e kau mātuʻá ʻi hono fokotuʻutuʻu ke talitali lelei ʻa e kau malanga ʻaʻahí mo totongi ʻa e fakamole ʻenau fefonongaʻakí. Kae kehe, te tau toumoua nai ke fakahāhā ʻa e anga-talitali kakaí koeʻuhi ko e siʻisiʻi ʻa e meʻa ʻoku tau maʻú, pe te tau hohaʻa nai fekauʻaki mo hono talitali ha taha ki hotau ʻapí. Ko ʻetau tokanga ki he akonaki ʻa Sīsū kia Māʻatá ʻe lava ke tokoniʻi ai kitautolu ke ikuʻi ʻa e ngaahi ongoʻi peheé. (Luke 10:39-42) Naʻá ne fakamamafaʻi ko e ‘meʻa ʻoku lelei’ ʻi he anga-talitali kakaí ko e feohí mo e fakalototoʻá, ʻo ʻikai ko ha fuʻu kai lahi pe ko ha fuʻu ʻapi fakaʻofoʻofa. ʻI hono ngāueʻaki ʻa e akonaki ko ení, ko kitautolu kotoa ʻe lava ke tau vahevahe atu ʻa e “ngaahi meʻa lelei” ki he fanga tokouá ʻo fehoanaki mo e Folofola ʻa e ʻOtuá.—3 Sio. 5-8.