ʻUhinga ʻEtau ʻOfa ʻi Hotau Haʻohaʻonga Fakakātoa ʻo e Fanga Tokouá
ʻE lava fēfē ke tau tauhi ʻa e ʻofa vela māfana ki hotau fanga tokoua fakalaumālié ʻi he māmani taʻeʻofa ko ení? (1 Pita 2:17) ʻE lava fēfē ke tau fakahāhā ki he niʻihi kehé ʻoku moʻoni ʻetau fetokouaʻaki fakamāmani lahí? (Māt. 23:8) ʻI he vitiō Hotau Haʻohaʻonga Fakakātoa ʻo e Fanga Tokouá. ʻOku fakahaaʻi ai ʻa e ʻuhinga ʻoku tau feʻofaʻaki aí. Vakai angé pe te ke lava ʻo tali ʻa e ngaahi fehuʻi ko ení:
(1) Ko e hā ʻa e ngāue ʻe tolu ʻoku tau faitatau ai mo hotau fetokouaʻaki ʻi māmani lahí? (2) ʻOku anga-fēfē hono fakahāhā ʻe hotau fanga tokouá ʻenau fakapapau ke malanga (a) ʻi he toafa ʻAlasikā, (e) ʻi he ngaahi taulanga lalahi ʻo ʻIulope mo e (f) ʻi he vaotā fihi ʻo Pelū? (3) Ko e hā ʻa e meʻangāue ʻoku mātuʻaki ola lelei ʻi he faifakamoʻoní? (4) Ko e hā ʻoku ʻikai totonu ai ke tau pehē ko e ngāue fakamalangá ko ha ngāue anga-maheni pē iá? (5) ʻOmai ha fakatātā ki he founga ʻo e fefakafiemālieʻaki mo e fepoupouʻaki ʻa e Kau Fakamoʻoni ʻa Sihová ʻi he ngaahi taimi ʻo e faingataʻá—hili ha mofuike, afā mo e tau fakalotofonuá? (6) Ko e hā ha ngaahi founga ʻaonga te tau lava kotoa ke fakahāhā ai ʻa e fakaʻilonga fakapapauʻiʻanga ʻo hotau fetokouaʻaki faka-Kalisitiané? (Sione 13:35) (7) ʻOku totonu ke fēfē ʻetau fakamahuʻingaʻi ʻa e ngaahi fakataha ʻa e fakatahaʻangá? (8) ʻI hono maʻu ha Fale Fakatahaʻanga ki he fakatahá, ʻoku maongo fēfē ia ki he faʻahinga naʻe teʻeki ʻi ai haʻanau Fale Fakatahaʻangá? (9) Naʻe anga-fēfē ʻa e kei moʻui fakalaumālie hotau fanga tokoua ʻi ʻIulope Hahake mo Lūsiá ʻi he taimi naʻe tapui ai ʻa e ngāué? (10) Naʻa mo e taimí ni, ko e hā ʻa e feinga makehe naʻe fai ʻe he Kau Fakamoʻoni tokolahi ke maʻu ʻa e ngaahi fakataha-lahí pea ko e hā hono ʻuhingá? ʻOku maongo fēfē eni kiate koe? (11) Ko e hā ʻokú ke fakapapauʻi ai ke fāʻūtaha ʻi he lotú, ke tokoniʻi ʻa e niʻihi kehé ʻi he taimi ʻoku fiemaʻu aí pea ke malanga faitōnunga ʻi ha taimi mo ha founga pē te ke lava aí? (12) Ko e hā ʻoku lelei ai ke ke maʻu ha tatau fakafoʻituitui ʻo e foʻi vitiō ko ení pea huluʻi ia ki he tokolahi taha ʻoku nau mahuʻingaʻia aí?