MOʻUI KO HA KALISITIANE
Fakaleleiʻi ʻEtau Pōtoʻi ʻi he Ngāue Fakafaifekaú—Fakalototoʻaʻi ʻa e Faʻahinga Mahuʻingaʻiá ke Maʻu Fakataha
ʻUHINGA ʻOKU MAHUʻINGA AÍ: Ko e ngaahi fakatahá ʻoku fai ai ʻa e ngaahi feohi hokohoko ke “hiva kia Jihova” pea “fakamalo kiate ia.” (Saame 149:1, PM) ʻI he ngaahi fakatahá, ʻoku akoʻi kitautolu ke fai ʻa e finangalo ʻo e ʻOtuá. (Saame 143:10) Ko e faʻahinga mahuʻingaʻiá mo e kau ako Tohi Tapú ʻoku nau fai ha ngaahi fakalakalaka lahi ange ʻi heʻenau kamata pē ke maʻu ʻa e fakatahá.
FOUNGA HONO FAI IÁ:
Fakaafeʻi leva ʻi he vave taha ʻoku ala lavá. ʻOku ʻikai fiemaʻu ke tatali ke toki fokotuʻu ha ako Tohi Tapu.—Fkh. 22:17
Fakamatala ki he tokotaha mahuʻingaʻiá ʻa e meʻa ʻoku fai aí mo e meʻa ʻe lāulea ki ai ʻi he fakataha hono hokó. Ko e ngaahi meʻa eni ʻoku lava ke tokoni ʻi he tafaʻaki ko ení: ko e tohi fakaafe ki he fakataha ʻa e fakatahaʻangá, ko e vitiō Ko e Hā ʻOku Fai ʻi ha Fale Fakatahaʻanga? mo e lēsoni 5 mo e 7 ʻo e polosiua Finangalo ʻo Sihová
Fai ha Tokoni. ʻE fiemaʻu ʻe he tokotaha mahuʻingaʻiá ha meʻalele pe ko ha tokoni ki he teunga ʻoku taau ke ʻaí? Tangutu ʻi hono tafaʻakí ke mo sio ʻi hoʻo tohí. Fakafeʻiloaki ia ki he niʻihi kehé