KOLOA MEI HE FOLOFOLA ʻA E ʻOTUÁ | ʻAISEA 52-57
Naʻe Faingataʻaʻia ʻa Kalaisi Maʻatautolu
“Ko e toko taha taʻetokaʻi, mo eʻehi mei ai ʻa e kakai . . . kae lau ʻe kitautolu ko e mala, ko e toko taha kuo taaʻi ʻe he ʻOtua, mo ngaohi kovia”
Naʻe taʻetokaʻi ʻa Sīsū mo fai ki ai ha laukovi. Naʻe tui ʻa e niʻihi naʻe tauteaʻi ia ʻe he ʻOtuá, ʻo hangē naʻe taaʻi ia ʻaki ha mahaki palakū
“Naʻe finangalo ʻa Sihova ke laiki ia; . . . pea ko e finangalo ʻo Sihova ʻe tuʻumalie ʻi hono nima”
ʻOku ʻikai ha veiveiua naʻe faingataʻaʻia ʻa Sihova ʻi heʻene sio ki he pekia ʻa hono ʻAló. Ka naʻá ne fiefia ʻi heʻene sio ki he faitōnunga moʻoni ʻa Sīsuú. Ko e pekia ʻa Sīsuú naʻe ʻomi ai ʻa e tali ki he pole ʻa Sētane fekauʻaki mo e mateaki ʻa e kau sevāniti ʻa e ʻOtuá pea naʻe maʻu ʻaonga mei ai ʻa e faʻahinga fakatomala ʻo e tangatá. Naʻe tokoni ia ki hono fakahoko ʻa e “finangalo ʻo Sihova”