AKO 5
Lautohi Tonu Matematē
1 Tīmote 4:13
MEʻA KE FAÍ: Lau leʻo-lahi ʻa e meʻa tofu pē ʻoku hiki atú.
FOUNGA KE FAI AI IÁ:
Teuteu lelei. Fakapapauʻi ʻa e ʻuhinga naʻe hiki ai ʻa e potutohí. ʻAhiʻahi lau ʻa e ngaahi pupunga leá, kae ʻikai ko e lau fakafoʻilea pē. Tokanga ke ʻoua te ke fakalahi, hiki fakalaka pe fetongi ha foʻi lea. Siofi ʻa e ngaahi fakaʻilonga leá kotoa.
Puʻaki totonu ʻa e foʻi lea taki taha. Kapau ʻoku ʻikai te ke ʻilo hano puʻaki ha foʻi lea, fanongo ki ha hiki-leʻo ʻo e tohí pe kole tokoni ki ha tokotaha lautohi lelei.
Lea mahino. Puʻaki fakalelei ʻa e ngaahi foʻi leá, tuʻu hangatonu ho ʻulú pea fakamanga lahi ho ngutú. Fai ha feinga ke puʻaki ʻa e silapa taki taha.