Ngāueʻaki ʻa e Fehuʻí

Mātiu 16:13-16

MEʻA KE FAÍ: ʻEke ʻa e ngaahi fehuʻi fakapotopoto ke langaʻi mo tauhi maʻu ʻa e mahuʻingaʻiá, ke fakaʻuhinga mo hoʻo kau fanongó, pea ke fakamamafaʻi ʻa e ngaahi poini mahuʻingá.

FOUNGA KE FAI AI IÁ:

• Langaʻi mo tauhi maʻu ʻa e mahuʻingaʻiá. ʻEke ha ngaahi fehuʻi ke tokoniʻi ʻa hoʻo kau fanongó ke nau fakakaukau lahi ange pea ke nau fieʻilo lahi ange.

• Fakaʻuhinga ʻi ha kaveinga. Tokoniʻi ʻa hoʻo kau fanongó ke nau fakaʻuhinga ʻi ha kaveinga ʻaki hono ʻeke ha ngaahi fehuʻi hokohoko ke taki atu ki ha fakamulituku ʻuhinga lelei.

• Fakamamafaʻi ʻa e poini mahuʻingá. ʻEke ha fehuʻi fakatupu tokanga ke fakahaaʻi ha fakakaukau tefito. Ngāueʻaki ʻa e ngaahi fehuʻi fakamanatú hili ʻa e lāulea ki ha poini mahuʻinga pe ʻi he fakamulituku haʻo malanga.