Founga ke maʻu ʻaonga lahi taha ai mei he ngaahi lēsoni Fakatohitapu ko ení
Ako mo ha faiako: Kole ha ako Tohi Tapu mei he tokotaha naʻá ne ʻoatu ʻa e polosiua ko ení pe fakahū ha foomu kole ʻi heʻemau uepisaití, jw.org.
KONGA ʻULUAKÍ
Lau ʻa e palakalafi taki taha, kau ai ʻa e ngaahi fehuʻi mataʻāʻaá (A) mo e ngaahi konga Tohi Tapu (E) ʻoku fakamamafaʻi ai ʻa e ngaahi poini tefitó. Fakatokangaʻi ʻoku fakaʻilongaʻi ʻa e ngaahi konga Tohi Tapu ʻe niʻihi ke “lau.”
KONGA ʻI LOTÓ
Ko e fakamatala kamata (F) ʻi he Keli Loloto Ange ʻoku fakamatalaʻi ai ʻa e ngaahi meʻa hokó. Ko e ngaahi kaveinga tokoní (H) ʻoku fakamamafaʻi ai ʻa e meʻa ʻe fai ai ʻa e lāuleá. Lau ʻa e ngaahi konga Tohi Tapú, tali ʻa e fehuʻí, pea sio ʻi he vitioó (I).
Lāulea ki he fakatātaá mo hono fakamatalá (K), pea fakakaukau ki he founga ke tali ai ʻa e ʻOku Pehē ʻe he Niʻihi (L).
KONGA FAKAʻOSÍ
Ko e lēsoní ʻoku fakamulitukuʻaki ʻa e Fakanounou mo e Fakamanatu (M). Fakahū ʻa e ʻahó ʻi he hili ʻa e kakato ʻa e lēsoní. ʻOku ʻomai ʻi he Meʻa ke Fai (N) ha meʻa ke ke ngāue ki ai. Ko e Ako Lahi Ange (NG) ʻoku maʻu ai ʻa e ngaahi maʻuʻanga fakamatala kehe ke ke lau pe sio ai.
Founga hono kumi ʻa e ngaahi veesi Tohi Tapú
Ko e ngaahi konga Tohi Tapú ʻoku fakahaaʻi ʻaki ʻa e tohi Tohi Tapú (A), ko e vahé (E), pea mo e vēsí pe ngaahi vēsí (F). Ko e fakatātaá, ko e Sione 17:3 ʻoku ʻuhingá ko e tohi ʻa Sione, vahe 17, veesi 3.