Ko ha Tohi ʻe Lava Ke Ne Haofaki ʻa e Ngaahi Nofo Malí

KO HA FEFINE KO HONO HINGOÁ KO LESLIE, ʻi Louisiana, U.S.A., naʻá ne maʻu ha tā telefoni ʻi he taʻu kuo ʻosí mei ha fakafofonga ʻo e ʻUnivēsiti Tulane. Naʻe pehē ʻe he tokotaha telefoní ko Tulane, pea pehē ki ha toe ʻunivēsiti ʻe taha, naʻá na fai ha savea fekauʻaki mo e ngaahi hoa toki mali foʻou ʻi Louisiana.

Hili ha loto ke kau ʻi he saveá, naʻe maʻu ʻe he fefiné ha ngaahi fehuʻi, ʻo ne fakafonu, peá ne ʻave fakataha ia mo ha tatau ʻo e tohi Ko e Fakapulipuli ʻo e Fāmili Fiefiá. Naʻá ne fakamatala ko ia mo hono husepānití ko e ongo Fakamoʻoni ʻa Sihova pea kuó na ako fakataha ʻa e tohí ni ʻi he teuteu ki he nofo malí.

ʻI he ngaahi uike siʻi mei ai, naʻe maʻu ai ha tohi mei he talēkita ʻo e ngāué, ʻa ia naʻá ne tohi: “ʻOku mau mātuʻaki fakatauange ʻe lava ʻe ha ongo meʻa hangē ko koe mo ho husepānití ʻo akoʻi kimautolu ki he meʻa ʻoku fiemaʻu ke ʻai ai ʻa e ngaahi nofo malí ke mālohi mo fiefiá. Ko e moʻoniʻi meʻa ko ia ʻa hoʻomo haʻu mei ha ongo ʻātakai kehekehe peheé ʻoku mahuʻinga ia koeʻuhi ʻoku faʻa fakatupunga ai ʻa e faingataʻa ki ha nofo mali. Ka ko hoʻomo teuteu ki he nofo malí, tautefito ʻaki ʻa e ngaahi fakamatala hangē ko ia ʻi he tohi naʻá ke ʻomaí, te ne ʻai ai kimoua ke mo fekuki ai mo ha ngaahi faikehekehe pē ʻe malanga hake. Pea ko e moʻoni, ko ha makatuʻunga fakalotu ki ha nofo mali ʻa e meʻa mahuʻinga tahá. ʻOkú mo fakatou monūʻia ke ʻinasi ʻi ha tui mālohi mo e falala ki he tokoni ʻa e ʻOtuá.

“Kuó u tuku ʻa e tatau ʻo e tohi naʻá ke ʻomai kiate aú ʻi hoku funga tesí, pea ʻoku ou fakahaaʻi ia ki heʻeku kau akó he taimí ni ʻi heʻenau kole mai kiate au ha faleʻi fekauʻaki mo e malí. Kuo teʻeki ai ʻaupito ke u sio ʻi he tohi tefito ko ení, pea ʻoku fakaofo moʻoni ia.”

ʻOku mau tui ko koe foki te ke ʻiloʻi ʻoku mahuʻinga taʻehanotatau ʻa e tohí ni. Ki haʻo tatau, kātaki ʻo fakafonu ʻa e kūponi ʻoku ʻoatu hení pea lī ia ki he tuʻasila ʻoku hā atu ʻi he kūponí pe ki ha tuʻasila feʻungamālie ʻa ia ʻoku fakahokohoko ʻi he peesi 5 ʻo e makasini ko ení. Te ke maʻu ai ha ngaahi fokotuʻu pau ʻe lava ke tokoni ki hono solova ha ngaahi palopalema pea ʻai ʻa e moʻui fakafāmilí ke fiefia ʻi he tuʻunga naʻe ʻuhinga ki ai ʻa e Tokotaha-Fakatupú.

□ ʻOmai muʻa kiate au ha tatau ʻo e tohi Ko e Fakapulipuli ʻo e Fāmili Fiefiá.

□ Kātaki fetuʻutaki mai kiate au ʻo fekauʻaki mo ha ako Tohitapu taʻetotongi ʻi ʻapi.