“ʻE Fakaʻauha ʻe he Tangatá ʻa e Foʻi Māmani Ko ení?”
● Mei he vavaá, ko e palanite ko Māmaní ʻoku hā ia ʻo hangē ha foʻi siueli fakaʻofoʻofa lanu pulū mo hinehiná. Ka ʻi hano vakaiʻi ofi angé ʻoku fakahaaʻi ai ko hotau ʻapí ʻoku ʻi he tuʻunga fakatuʻutāmaki. Ko e hā hono ʻuhingá? Ko e talí ʻoku faingofua: Ko e tangatá kuo ʻikai te nau tokangaʻi lelei ia. ʻIkai ko ia pē, ʻoku nau fakaʻauha ʻa e māmaní ʻo ʻikai ngata pē ʻi hono fai fakahangatonu fakafou ʻi he ʻuliʻi ʻo e ʻeá, tā ʻa e ʻuluʻakaú, ʻo maumauʻi kae toe ʻi he tuʻunga fakaeʻulungaanga mo fakalaumālie fakafou he fakamālohí, lingitotó, mo e fehokotaki fakasino taʻetāú.
Ko e tuʻunga fakamamahi ko eni ʻo e ngaahi meʻá naʻe tomuʻa tala ia ʻi he taʻu nai ʻe ua afe kuohilí ʻi he ngaahi kikite fakaofo naʻe hiki ʻi he Tohi Tapú. (2 Timote 3:1-5; Fakahā 11:18) Naʻe toe tomuʻa tala ʻe he Tohi Tapú ko e ʻOtuá—ʻo ʻikai ko ha tangata—te ne fakatonutonu kakato e ngaahi meʻá. Ko e ngaahi tōpiki mahuʻinga ko ení ʻe lāulea ki ai ʻi he malanga maʻá e kakaí “ʻE Fakaʻauha ʻe he Tangatá ʻa e Foʻi Māmani Ko Ení?” Ko e malangá ʻe fakahoko ia ʻi he Ngaahi Fakataha-Lahi Fakavahe ʻa e Kau Fakamoʻoni ʻa Sihová ‘Ke Hoko Mai ʻa e Puleʻanga ʻo e ʻOtuá!,’ kamata ʻi Mē ʻi ʻAmelika pea hokohoko atu ai takatakai ʻi he māmaní.
ʻOku fakaafeʻi loto-māfana atu koe ke ke maʻu ʻa e fakataha-lahi ofi taha kiate koé. Ki ha ngaahi fakaikiiki pau, kātaki ʻo fetuʻutaki ki he Kau Fakamoʻoni ʻa Sihova ʻi ho feituʻú pe tohi ki he kau faipulusi ʻo e makasini ko ení. Ko e Uepisaiti www.jw.org ʻoku fakahokohoko atu ai ʻa e ngaahi feituʻu faiʻanga fakataha-lahi ʻi he vahefonua ʻo e Pasifikí.