Ko e Hā ʻOku Leaʻaki ʻe he Tohi Tapú?
ʻOku tali ʻe he ʻOtuá ʻa e lotu kotoa pē?
TE KE PEHĒ NAI ʻOKÚ NE TALI ʻA E LOTU ʻA E . . .
Tokotaha kotoa pē
Kakai pē ʻe niʻihi
ʻIkai ke ne tali ha lotu
MEʻA ʻOKU LEAʻAKI ʻE HE TOHI TAPÚ
“ʻOku ofi leva ʻa Sihova ki he kakai kotoa . . . ʻakinautolu ʻoku fai moʻoni ʻenau tautapa.”—Saame 145:18.
KO E HĀ TE TAU TOE AKO MEI HE TOHI TAPÚ?
ʻOku tukunoaʻi ʻe he ʻOtuá ʻa e ngaahi lotu ʻa e faʻahinga ʻoku nau angatuʻu kiate iá. (ʻAisea 1:15) Kae kehe, ʻoku lava ke nau ‘sivi ke fakatonutonu’ ʻa e ngaahi meʻá fakafou ʻi he liliu ʻenau ngaahi foungá.—ʻAisea 1:18.
Ke tali ʻe he ʻOtuá ha lotu, kuo pau ke fehoanaki ia mo ʻene ngaahi fiemaʻu ʻoku hā ʻi he Tohi Tapú.—1 Sione 5:14.
Kuo pau ke tau lotu ʻi ha founga pau?
ʻOKU TUI ʻA E KAKAI ʻE NIʻIHI kuo pau ke nau tūʻulutui, punou pe kūnima ʻi he taimi lotú. Ko e hā hoʻo fakakaukaú?
MEʻA ʻOKU LEAʻAKI ʻE HE TOHI TAPÚ
Naʻe tali ʻe he ʻOtuá ʻa e ngaahi lotu ʻa e faʻahinga naʻa nau ‘tangutu’ pe “tuu hake” pe ko e faʻahinga naʻa nau “fakatomabee” pe ‘tūʻulutui hifo.’ (1 Kalonikali 17:16; 2 Kalonikali 30:27 [PM]; ʻĒsela10:1 [PM]; Ngāue 9:40) ʻOku ʻikai ke ne fiemaʻu ha faʻahinga founga pau ʻi he taimi ʻoku tau lotu aí.
KO E HĀ TE TAU TOE AKO MEI HE TOHI TAPÚ?
ʻOku fanongo ʻa e ʻOtuá ki he faʻahinga ʻoku nau anga-fakatōkilaló.—Saame 138:6.
ʻOku lava ke ke lotu ʻi ha faʻahinga lea pē, naʻa mo ha lotu fakalongolongo.—2 Kalonikali 6:32, 33; Nehemaia 2:1-6.