Fakamanatu ʻo e Ako Fakafaifekau Fakateokalatí

Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻo Tīsema 27, 2010. ʻE fai ʻe he ʻovasia akó ha fakamanatu miniti ʻe 20 ʻo makatuʻunga he fakamatala naʻe kāpui ʻi he ngaahi konga ki he uike ʻo Nōvema 1 ki Tīsema 27, 2010.

1. Ko e hā ʻe lava ke tau ako mei he fakahaaʻi ʻo e fakahīkihikí ʻe he kau hiva Līvaí ʻa ia ʻoku hiki ʻi he 1 Kalonikali 16:34? [w02 1/15 p. 11 pal. 6-7]

2. ʻOku fakahaaʻi nai ʻe he 1 Kalonikali 22:8 naʻe hala ʻa e faitau ʻa Tēvitá, koeʻuhi naʻe ʻikai fiemaʻu ia ʻe Sihova ke ne langa Hono falé? Fakamatalaʻi. [it-2-E p. 987 pal. 1]

3. Naʻe fiemaʻu ʻe Tuʻi Tēvita ʻa hono foha ko Solomoné ke ne ongoʻi fēfē fekauʻaki mo e ʻOtuá? (1 Kal. 28:9) [w08 10/15 p. 7 pal. 18]

4. Ko e hā naʻe feʻungamālie ai ʻa hono ngāueʻaki ʻa e tatau ʻo e fanga pulú ʻi hono langa ʻo e tuʻuʻanga ʻo e tahi ukameá? (2 Kal. 4:2-4) [w05 12/1 p. 19 pal. 3; w98 6/15 p. 16 pal. 17]

5. Ko e ongo maka lafalafá pē naʻe ʻi he puha ʻo e fuakavá, pe naʻe toe ʻi ai ha ngaahi meʻa kehe? (2 Kal. 5:10) [w06 1/15 p. 31]

6. Ko e hā naʻe ʻuhinga ki ai ʻa Solomone ʻi heʻene kole kia Sihova ke fanongo ki he kōlenga ʻa ha faʻahinga “te nau lotu aki i he botu ni”? (2 Kal. 6:21, 32, 33, PM) [it-1-E p. 137 pal. 1]

7. Ko e hā ʻa e ʻuhinga ʻo e kupuʻi lea “ha kovinanite masima” ʻi he 2 Kalonikali 13:5? [w05 12/1 p. 20 pal. 2; it-2–E p. 842 pal. 7]

8. ʻE fēfē nai ʻa hono ngāueʻaki ʻi he tuʻu fakalūkufuá ʻa e 2 Kalonikali 17:9, 10 ki heʻetau ngāue fakafaifekaú? [w09 6/15 p. 12 pal. 7]

9. ʻE anga-fēfē ʻa e ngāue ʻa e kakai ʻa e ʻOtuá he ʻahó ni ʻo fehoanaki mo e 2 Kalonikali 20:17 (PM)? [w03 6/1 p. 21 pal. 14-17]

10. Ko e hā ʻe lava ke tau ako mei he talanoa ʻo fekauʻaki mo e tōʻonga hīkisia ʻa Tuʻi ʻŪsaiá? (2 Kal. 26:15-21) [w99 12/1 p. 26 pal. 1-2]