Fakamanatu Ako Fakafaifekau Fakateokalatí

Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻo Fepueli 25, 2013. Ko e ʻaho ʻoku fakataimitēpileʻi ai ʻa e poini taki taha ke lāulea aí ʻoku fakakau ia koeʻuhi ke lava ʻo fai ʻa e fekumí ʻi he taimi ʻoku fai ai ʻa e teuteu ki he akó ʻi he uike taki taha.

1. Ko e hā naʻe pehē ai ʻe Sīsū ko “kinautolu ʻoku mamahí” ʻe fiefiá? (Māt. 5:4) [San. 7, w09 2/15 p. 6 pal. 6]

2. ʻI he lotu ʻa e ʻEikí naʻe akoʻi ʻe Sīsū ki heʻene kau ākongá, ko e hā ʻene ʻuhingá ʻi heʻene pehē: “ʻOua naʻa tuku kimautolu ki ha ʻahiʻahi”? (Māt. 6:13) [San. 7, w04 2/1 p. 16 pal. 13]

3. Ko e hā naʻe pehē ai ʻe Sīsū ko ʻene kau ākongá ʻe ʻikai te nau ʻosiki ʻenau vāhenga malangá kae ʻoua “kuo aʻu mai ʻa e Foha ʻo e tangatá ia”? (Māt. 10:23) [San. 14, w10 9/15 p. 10 pal. 12; gt vahe 50 pal. 6]

4. Ko e hā ʻa e meʻa ʻe ua naʻe fakamamafaʻi ʻi he talanoa fakatātā ʻa Sīsū ki he tengaʻi mūsitá? (Māt. 13:31, 32) [San. 21, w08 7/15 p. 17-18 pal. 3-8]

5. Ko e hā ʻa e lēsoni naʻe akoʻi ʻe Sīsū ʻi heʻene pehē: “Kapau heʻikai te mou liliu ʻo hoko ʻo hangē ko e fānau īkí, ʻe ʻikai ʻaupito te mou hū ki he Puleʻanga ʻo hēvaní”? (Māt. 18:3) [San. 28, w07 2/1 p. 9-10 pal. 3-4]

6. Ko e hā ʻa e ʻuhinga ʻo e “fehiʻa” ki hoto kāingá? (Luke 14:26) [Fep. 04, gt vahe 84 pal. 3]

7. Ko e hā ʻoku ui ai ʻa Sīsū ko e “ʻEiki foki ia ʻo e Sāpaté”? (Mk. 2:28) [Fep. 18, w08 2/15 p. 28 pal. 7]

8. Ko e hā naʻe tali pehē ai ʻa Sīsū fekauʻaki mo ʻene faʻeé mo hono fanga tokouá, pea ko hā ʻoku akoʻi mai heni kiate kitautolú? (Mk. 3:31-35) [Fep. 18, w08 2/15 p. 29 pal. 5]

9. Hangē ko ia ʻoku hiki ʻi he Maʻake 8:22-25, ko e hā naʻe fakamoʻui ai ʻe Sīsū ʻa e tangata kuí ʻi he founga ʻe uá pea ko e hā ʻoku tau ako mei hení? [Fep. 25, w00 2/15 p. 17 pal. 7]

10. Ko e hā ʻoku tau ako mei he founga ʻo e fakafeangai ʻa Sīsū ʻi hono valokiʻi ia ʻe Pitá ʻoku hā ʻi he Maʻake 8:32-34, PM? [Fep. 25, w08 2/15 p. 29 pal. 6]