Maʻu ʻa e Ngaahi Tāpuaki Tuʻuloa mei ha ʻOtua ʻOfa
ʻOkú ke fakaʻamu ke nofo ʻi ha māmani ʻoku ʻikai ʻi ai ha tau, fakamālohi mo e fekeʻikeʻi?
ʻOkú ke fakaʻamu naʻe ʻikai ke ʻi ai ha puke, faingataʻaʻia mo e mate?
ʻOkú ke holi ke tauʻatāina mei he hohaʻá mo e loto-moʻuá?
ʻOkú ke fakaʻamu ke nofo ʻi ha feituʻu ʻoku ʻikai uesia ʻe he fakatamaki fakanatulá?
Kuo talaʻofa mai ʻe hotau ʻOtua ʻofá, ʻa e Tokotaha-Fakatupu hotau māmani fakaʻofoʻofá, te ne tāpuakiʻi ʻa e tangatá ʻaki ʻa e moʻui melino mo fiefia ʻo taʻengata. ʻOku ʻikai ko ha misi eni.
ʻI he ngaahi kupu hokó, ʻoku mau fakaafeʻi koe ke fakakaukau ki he:
Anga ʻo e ongoʻi hotau Tokotaha-Fakatupú ki he tangatá
Meʻa ʻoku fakahaaʻi mai ʻe he Folofola ʻa e ʻOtuá
Meʻa ʻoku fakahaaʻi ʻe he kau palōfita ʻa e ʻOtuá fekauʻaki mo ʻene ngaahi talaʻofá
Meʻa ʻe lava ke tau fai ke fiefia ai he taimí ni pea maʻu ʻa e ngaahi tāpuaki tuʻuloa ʻi he taimi kotofa ʻa e ʻOtuá
Tau kamataʻaki hono sivisiviʻi ʻa e tokanga ʻofa ʻa e Tokotaha-Fakatupú ki he faʻahinga ʻo e tangatá.