Ra loxonaxanaxac so Satanás

So Satanás huotaique ra so’otaq nam qauem ‘onataguecpi. Qalota na shiỹaxauapi ỹaguec ra ñeetexa na leuaxaicpi nache huo’o na irouexa na aloq qataq huo’o na iquiarelec ca mashe qaica, huo’otaq huo’o na ỹariñe caua loxo lairaxaica ra huo’o na ileu. Taqa’en, ra huo’o na sa no’on nache ỹamaqten ra taua na pioxonacpi cha’aye ‘eetexa ishet ra chigoqoot ca lcaalaxa. Taqa’en huo’o na ỹo’ot na naataxaqui nache ilotaque ra huo’o ca ỹiyaqan.

Nachaqrata ra qanauochaxaua Ñi Jehová ra qomi n’paxaleguete ra l’chec so Satanás. Ñi Jehová qataq na lamaxashecpi ỹataqta salaxaic ra lañaxac saq ‘ena’am ra lañaxac so Satanás qataq na demoniopi (Santiago 2:19; Revelación 12:9). Ñi Jehová ỹataqta huotaique ra rogoxona ra lañaxac ra itauan na nauochaxauapi (2 Crónicas 16:9).

Ra l’aqtac Ñi Dios ‘enapec: ‘ Sa ishet ra alotaque ra am nataren na pioxonacpi’. Ñi Jehová ỹataqta saỹaỹamaxaren na pioxonacpi qataq na conaxanaxaicpi cha’aye ỹo’otaq ra ‘eetapeguec so Satanás (Levítico 19:26; Isaias 1:13, 2:6).