Na nauochaxauapi Ñi Dios ỹo’ot ye no’on

Ra huo’o ca qanauochaxaua ỹataqta no’on ye lataxac nache sauotaique ra shenaxatac ye lataxac. Aye la Biblia ‘enapeco’ ra ‘Soxoraic qataq nate’eteuo Ñi Jehová’ (Salmo 25:8). Ỹoqo’oye ra sauoctaique qanauochaxaua Ñi Dios nache taqa’en qomi soxoraiqa qataq nate’eteuo ye qarataxac. Aye la Biblia ‘enapec: “Qaq cha’ayi qami lauotaqa’te llalqa Ñi Dios, ỹoqo’oyi ỹataqta qanpogoxoiñiỹapegue’ qome da qoñiita’am ñi mayi. Qataq ỹataqta qami’ soxodaiqa” (Efesios 5:1, 2 DNS). Sheenaxatac ra lataxac Ñi Jehová ra so’otaq re’era no’on ‘onataguec:

Setaunactaq na shiỹaxauapi. “Qaq ỹoqo’oyi da ivita da huo’o ca qaddaqa’, nachi ‘enauac so’otaxac ca ỹaỹamaqchiguiñi na shiỹaxauapi” (Gálatas 6:10 DNS).

Ỹataqta qomi no’on ‘onataxanaxaicpi. “Qaq cam decachitapec co’ollaxa, qalaq no’on da ỹaxaañi nagui da lcachaxac. Chaqdato’ da do’onataxan, ỹacootapegue’ ca l’onatac” (Efesios 4:28 DNS).

Ỹataqta qomi qovitte’. “Ỹoqo’oyi Sa ishit qome da huo’o ca ishipaxanaqchit da qad’oquiaxac qataq dam saq cha’a qanachaalataxac ‘enauac nam ishit da deshipaxanaqtaxan. Qataq ỹataqta ñopogoxoinaqpegue’ qome da qomi’ qui’itee, souaxat da souaqtaigui da shi’iỹaxa Ñi Dios” (2 Corintios 7:1 DNS).

Sauotaxac ca qoyalacpi qataq aca qarhua. “Qalaxayi damayi nataq’en i’axat da ñi ‘oonolec da qoñiita ỹataqta ỹauotec aca lhua, ‘eeta’am da maichi nauojla’t. Qaq aca ‘alo ỹataqta huo’o naq ‘enec naq’en ca lhua.[...] Qaq qami’ ñaqpiolec, ỹataqta qaualaqailguete caua qadta’alli’” (Efesios 5:33–6:1 DNS).

Sauotaxac ‘enauac na shiỹaxauapi. “Qami’ ỹaqaỹadolqa, ñi ‘oonolec ra shinaqta ỹataqta ỹauotec ca lỹa, cha’ayi dam nauotaxanaqtaic chigoqo’ot ñi Dios” (1 Juan 4:7 DNS).

Salaxasoxoguet na nta’alpi. “‘Enauac qome na shiỹaxauapi iuen da ỹalaxaguet da l’onataxanaxac na nta’alpi [..]. Cam neto’ot aca navigaxaiste nam ỹotta’a’t mayi qaishiiteetacpi, qaq no’on da camayi qaỹi’iguelaxatot cam lalamaxat (Romanos 13:1, 7 DNS).