¿Négueʼt ca ʼeetapeguec Ñi Dios?

Ñi Dios nshetaique ra tateec ra nlagaxayec ra qanachaalataxac taq machiguiñi ca mataqaʼ ana ʼalhua.

Qalaxaye petaʼa ʼannajlaʼt: «¿Ishet ra ʼeesa reʼera?». Aye la Biblia ỹataqta ra ʼenac, ra Lʼonataxanaxac Ñi Dios ipacchigui qome. Ñi Ỹoʼotapecna nshetaique ra ʼenauac na shiỹaxauapi qaỹaỹaten yeʼeye Lʼonataxanaxac taq ram ʼeetapeguec na shiỹaxauapi (Salmo 37:11, 29; Isaías 9:7).

Ñi Dios huotaique ca qaraỹamaqaʼ.

ʼEnʼam ca noʼon ntaʼa huotaique ỹanem ca ỹataqta noʼon ca llalaqpi, Ñi Qartaʼa piguem lʼec huotaique ra tateec ca qantonaxac (Isaías 48:17, 18). Ñi maye ỹachaxanapec «cam ỹoʼottac cam damaxasoxoolec Ñim Loʼonatac ʼEnauacna, camaye nache ʼeetaiʼ da ncaʼaltauec» (1 Juan 2:17).

Ñi Dios huotaique ra qolaxague na lleco.

Aye la Biblia rapaxaguenataxanec ra Ñi Dios nshetaique ra qomiʼ ỹapaxaguenque «da nqaʼaicỹaxac» yaqtoʼ «qolaqtegueto qome naua lleco» (Isaías 2:2, 3). Ñi maye ỹoʼot ra laỹamaxataxac na lauoʼ ỹachetac ra lʼenaxat yaqtoʼ ra ʼeetapeguec qaỹaỹaten ʼenauac ana ʼalhua (Hechos 15:14).

Ñi Dios huotaique ra llaỹonaqtaʼ ra shiʼoxorenaq.

Ye ʼeesa nʼamaqtenaxac ỹataqta laỹootaʼt na nauochaxac na shiỹaxauapi, sa ishet ra ỹoʼot ra sa nhuojnaʼt (Juan 13:35). ¿Négueʼt ca ỹapaxagueetac na shiỹaxauapi ʼenauac ana ʼalhua ra yaqtoʼ lapootaʼt ra roʼonataxanot Ñi Dios? ʼAm seỹaxanaxa ra maiche ʼauanata ca lasataxac ʼauʼogoxona ana mejna.

YAQTOʼ NQUICTEEC RA ʼAUAỸATEN

ʼAm seỹaxanaxa ra ñapaxaguenaxa aye la Biblia. ¿Mashe ʼanapaxagueetac aye la Biblia na testigopi de Jehová? Ra saxanaxa ra ʼauʼot, ¿ʼalauela ra ʼam qaỹapaxaguen ye ʼarmaʼ? Sa qaisheeten. Nache ʼauaỹateeta ra reʼera ỹataqta ʼonaxaic llec ra ʼanquicot Ñi Dios.

ʼAlaque aca mejnapi sa qaisheeten. Ra ʼanshetaique aca mejna maiche ʼarʼaqtac yaqtoʼ ʼam itauan ra ʼauaỹateetegue aye la Biblia, ishet ra ʼauʼa nache ʼaquiguiỹaique aca Laponaxaqui na Testigopi de Jehová qoʼ ʼaquiguiỹot ca camachaqca testigo de Jehová.

Ishet ra qomiʼ ʼauauattoʼn ye Internet. ʼAmeten ye ỹataqta sonaqtaʼa ye internet, nache ishet ra ʼautaxaỹaxan aye la Biblia maiche ca ʼauaỹateetegue nʼaqtac taq ʼanataxan qoʼ alapaxañe ana qalota qanmejnapi mashe napacalec na setecientos cincuenta nʼaqtacpi.