Antoueetaʼac aso lhua so Lot

So Lot lauoreua so ntesoqo Abrahán netaña ye ʼalhua Canaán. ʼEnauaque soua maye qalota so lalopi animalpi iviraʼa ra qaica ca lraqaʼ. Ỹoqoʼoye so Abrahán ʼenapega so Lot: «Nagui qomiʼ qalotoigui ỹoqoʼoye iuen ra ñiotacaʼauec. Ishet ra maiche ʼalcaʼauaʼa ca ʼalhua ra auacona, aỹem sacona ca nonañe». So Abrahán huotaique so Lot ra ʼonaxaic lliquiaxac. ¿ʼEesa reʼera?

So Lot ỹalletaʼa huoʼo so laỹi so ʼalhua ỹataqta ʼonaxaic, huoʼo so qalota ʼetaxat taq qalota huoue. Nache so maye lcateuaʼa seʼeso nache taỹa lỹa so lauolecpi ra nalec, saqaỹapeque ye ciudad lʼenaxat Sodoma.

So shiỹaxauapi lmaʼ ye Sodoma taq so lauoreua lʼenaxat Gomorra so mayepi ỹataqta yiloxoicpi. So mayepi ỹataqta qauem ra lataxac ỹoqoʼoye ñi Jehová lcauaʼa ra nlaxajñe seʼesoua dos ciudadpi. Qalaxaye ñi Dios huotaique ra ncaʼalaxatec so Lot taq so lauolecpi, ỹoqoʼoye ỹamaq soua dos angelpi ra ʼenapega so maye: «¡Qacaquitac! ¡Qoquiʼai neʼena ciudad, chaʼaye ñi Jehová nlaxajñe!

Qalaxaye so Lot saishet ra ỹalapigui. Ỹoqoʼoye soua angelpi ỹacona na lhuaq so maye aso lhua taq soua llalqa, ra nqatec nqalgoqtauec yeʼeye la ciudad. Soua maye ʼenapec: «¡Qauachegaqaiñi! ¡Qauataiuec yaqtoʼ saishet ra qaullivi, saishet ra huoʼo ca ỹallegue na l-laq! Ra ʼauoʼot reʼera nache aleu.

Coʼollaxa ivitaʼa ye ciudad lʼenaxat Zóar ñi Jehová ỹoʼot ra anac so norec taq azufre chigoqoʼot na piguem ra tajlec ye Sodoma taq Gomorra. Soua dos ciudadpi qailaxachigui ʼenauac so netaña ye maye. So lhua so Lot saỹalaxaguet ñi Jehová nache ỹallegue na l-laq coʼollaxa ra chegaqaʼague nache ñigui toue ʼeetaʼam ca neʼenaqtac. Qalaxaye so Lot taq soua llalqa ncaʼalec chaʼaye ỹalac. Petaʼa soua maye itoxoñi chaʼaye aso lhua so Lot saishet ra ỹalac, qalaxaye huoʼo nlagaxayec chaʼaye ỹataqta ỹalaxagueta ñi Jehová.