ʼEetec ra ỹataqta qanqatec ra naigui ca ʼoonolec paxaguenaxat
ʼAnapaxaguena neʼena nmejna lỹa ca ishet ra ʼam itauan. ʼAquiguiỹoʼot curso bíblico ca ʼam ỹanem neʼena nmejna qoʼ huaña ye qansitio ye internet jw.org.
NA HUAʼAUÑE ʼAUANATA
ʼAutaxaỹaxan ʼenauac na párrafo. Qoỹaʼan na nnataxacpi huaqteʼ na nnumero (A) qataq naua naʼaqtaqa qaỹachigoxotaigui na textopi (B), reʼera ỹachaxan ra ʼamaqtaqaic. ʼAmeten ra huoʼo na textopi huaqteʼ so naʼaqtac «ʼautaxaỹaxan».
CA LỸA ʼAUANATA
Ye huaʼauchiguiñe párrafo (C) ye laỹi «Ñimitaq ra paxaguenaxat» iʼaxatta ra ʼauanata. Na subtitulopi huaqteʼ na nnumero (D) ỹachaxan négueʼt caua ʼamaqtaqaic. ʼAutaxaỹaxan na textopi, ʼauasateguet na nnataxacpi qataq ʼameten na videopi (E).
ʼAnmit na fotopi qataq na iʼaxatta (F), qataq ʼauennataxalec ʼeetec ra ʼauasateguet ye laỹi «Huoʼo na nasaxauec ra» (G).
NA PAʼATEC ʼAUANATA
Ra ime na paxaguenaxatpi huoʼo «Na ʼamaqtaqaic» qataq na «ʼAntouetaʼac» (H). Ra ʼamat ra ʼanapaxagueetega ca lección, nache iriñe ca fecha. Huaña «Na maiche ra ʼauʼot» (I) ʼauaconguet ca nqataxac ra ʼam itauan. Ye «ʼAuanata ca lỹa» (J) huoʼo na lỹa paxaguenaxatpi qataq videopi ishet ra ʼameten.
ʼEetec ra ʼauanata ca texto bíblico
Ca textopi huetaigui ra lʼenaxat ca nere (A), ca capítulo (B), qataq ca versículo qoʼ na versículopi (C). Qaỹaloqnaxana, Juan 17:3 naigui «ra lʼenaxat ye nere Juan, ye capítulo 17, ye versículo 3».