So Jesús lta ncaʼalec naqaʼen

QUERA na tres naʼaxaʼte ra ileu so Cristo, nache huoʼo na ʼalopi lapaxaguenatacpi taỹa ye napannaqaʼ. Qaq reʼera napannaqaʼ qataq nauattaigui qaica ca lʼec.

Nache, araʼara ʼalopi yoʼoq na dos lamaxashecpi piguem lʼec ñi Dios qataq ʼenapec: “Qamiʼ qanmichiitaique so Jesús maye Nazaret lʼec [...] qalaxaye so maye ỹoltaq ncaʼalec qanqoỹin, qaq mashe sa ishet ra huetaʼa neʼena” (Marcos 16:6 DNS). Nache naa ʼalopi nqalgaqaʼa taỹa ye lamaxashec yaqto iaʼaxatem. Nache so Jesús ʼenapegalo soo maye, ʼeetaʼ: “Sa ishet qomeʼ ra qayiʼii. Chaqrata ra qoquii, qauʼaqtaxañiim qomeʼ ca ỹaqaỹañicpi, ra yaqto taigue ra Galilea. Huaña qomeʼ ye maye, nache aỹem nauaneʼ” (Mateo 28:10 DNS).

Quera, ỹatemaq na dos lapaxaguenatacpi taỹa ye Emaús, nache na shiỹaxaua ra sa ishet ỹaỹaten na mayepi, ichimaxattexa negueʼt retaqtegaʼt. Na shiỹaxaua ỹataqta reʼera so Jesús, qalaq sa ishet ỹauattoolec chaʼaye so maye sa ishet ʼenaʼam coʼollaxa. Nache soo maye ỹasateguet na retaqtegaʼt ye napaxaguenaxalaʼ. Nache na shiỹaxaua iaʼaxattegue ʼenauac na Escrituras iaʼaxat ye Mesías. Ỹataqta so Jesús ipacchigui na reloxon huetalec ye Mesías.a Quenaxa soo maye ỹauattoolec raʼaqtaxaatem so Cristo ncalaxatec ra nagui ye espíritu, nache so maye pal.

Soo lapaxaguenatacpi ltaq mashe jec ye Jerusalén yaqto iaʼaxatem ye lamaxashec, ye mashe huoʼo laponat ca qaỹapochigui. Ỹatemaq iaʼaxatem reʼera aloic soo maye, ʼenauac na shiỹaxauapi huoʼo na iʼaalatec chaʼaye ltaq yoʼoq so Jesús. So maye ʼenapec: “¿Taenʼco ye huoʼo ra lqolguetaxanaxaʼc naua qadquiyaqchilliʼ?” qataq “ram nanettañi iaʼaxat ra ca ntaʼa maye ncaʼalaxaqui huaʼauñi qomeʼ ra qaỹalauat. Qaq qom mashe inoxooreec caua tres naʼaxaʼte, nache qaltaq ncaʼalec qanqoỹin” (Lucas 24:38, 46 DNS).

Queuoigui cuarenta naʼaxaʼte, qalota shiỹaxauapi ilotaʼague ye Jesús. Na naʼaq lỹa, quinientas shiỹaxauapi ilotaʼague ye maye. Petaʼa reʼera naʼaq so Jesús lamaxasoxonaxac ʼeetaʼ: “Nagui qanqoʼoñiỹa qomeʼ na ỹottaʼaʼt shiỹaxauapi ra qauauoʼoi ñallippi, [...] qataq qauapaxaguiñiic qomeʼ na mayepi ra ỹalaxalec ʼenauac na ỹaqataxacpi maye qamiʼ sanema. Qataq sa ishet qomeʼ ra qaucouaiʼai ra aỹem nache ʼeetaiʼ ra qamiʼ sootaʼagueta ʼenauaque naua naʼaxaʼte, chochi ivittaʼa ca logaʼt ana aʼlhua” (Mateo 28:19, 20 DNS).

So Jesús ʼenapecoʼ ye lamaxashecpi ʼeetaʼ: “Qalaxaye qom qamiʼ nvitalo ca Espíritu Santo, nache qamiʼ taỹoto qomeʼ ca nʼañaxac, nache qoquii ra aỹem qauʼaxachi, [...] chochi qaviyiitaʼa ca ỹapacteec qaỹoqta ana aʼlhua” (Hechos 1:8 DNS). Quera taỹa ye piguem qataq nache na lʼoc ỹoxojñe.

(Qaỹachigoxotaña ye Mateo capítulo 28; Marcos capítulo 16; Lucas capítulo 24; Juan capítulopi 20 qataq 21 qataqaʼen ye 1 Corintios 15:5, 6.)