LAỸI 7

¿Négueʼt so shiỹaxaua lʼenaxat Jesús?

Ñi Jehová namaxa ana ʼalhua so Jesús (1 Juan 4:9).

So Jesús ntaʼa na piguem na paʼaigue na laỹe ñi Dios

Coʼollaxa saxanaxa qaiʼoxon so Adán nache ñi Jehová mashe lʼena ra lʼonatac so llalec, shiỹaxaua salaxaic ra lʼañaxac piguem lʼec. Ñi Jehová taqaʼen huotaique ra ñaxaỹaxanaxa so llalec.

Aso María hualaxai taq lcopaʼague ñiguiñe so Jesús

Lcopaʼague coʼollaxa nache ñi Dios ỹoʼot ra lañoqoʼ ye Belén, aso lateʼe lʼenaxat María, qaʼañole saxanaxa hueguet ca ỹale. So llalec lʼenaxat Jesús (Juan 6:38).

So Jesús ỹapaxaguen so shiỹaxauapi na lataxac ñi Jehová

Coʼollaxa huetalec ana ʼalhua so Jesús ỹataqta iʼenaxatchigui na lataxaco ñi Jehová. So maye ỹataqta soxoraic taq huoʼo ra lauoche na shiỹaxauapi, ỹoqoʼoye na shiỹaxauapi huotaique ra naxaỹaxatega so maye. Sa ishet ra huoʼo ca ñeʼetega ra rapaxaguenataxanec ra ỹoqta ʼeesa lataxac ñi Dios.

So Jesús coʼollaxa ỹoʼot ye noʼon, qalaxaye qalota na shiỹaxauapi nqui’ia so maye (1 Pedro 2:21-24).

So Jesús ncaʼalaxatec na qañole leuaxaicpi taq nataren so ỹale sa noʼon

Taqaʼen nataren na sa noʼonpi taq ncaʼalaxatec na leuaxaicpi.

So Jesús sa ishet ra ñiʼia na lataxalapi so amactaqaicpi, nache iaʼaxat ra latenataxanaxac qataq ra qauem nʼonataguec. Ỹoqoʼoye so mayepi nquiʼia so Jesús.

Na lataxalapi so amactaqaicpi ỹatenachet na ltaʼalpi so romanopi yaqto ishet ra qaiuaxan taq qaỹalauat so Jesús.