LAỸI 8

¿Táenʼco coʼollaxa ra ileu so Jesús?

So Jesús ỹan so nachaalataxac yaqto ishet ra tateec ra qarcaʼalaxa (Juan 3:16).

Soua alopi ỹalingui aso huachiqui so Jesús qalaq quiʼichichigui

Coʼollaxa inoxoreec soua tres naʼaxaʼte ra mashe ileu so Jesús, nache huoʼo aso ʼalpi remejnaxaneuga aso laỹiʼ qalaxaye quiʼitchigui. Ñi Jehová ncaʼalaxateec so Jesús.

So Jesús nachaxana so nʼapostolpi taq so lqopaʼague taigue ye piguem

Nache so Jesús coʼollaxa nachaxana so nʼapostolpi.

Ñi Jehová ncaʼalaxateec so Jesús, nache ỹoʼot ra napacalec ra lʼañaxac na angel laỹipi taq ỹanem ra qaica ca logaʼt ra lcaʼalaxa. Ndoteec so nʼdiscipulopi ỹauaachigui ra ỹiʼiguelaxague ra piguem.

Ñi Dios ncaʼalaxateec so Jesús nache ỹanem ra ntaʼa ra Lʼonataxanaxac ñi Dios (Daniel 7:13, 14).

Chegochiguiña añi nsoʼonaxaqui ra ntaʼa ñi Jesús ra ilolec na shiỹaxauapi huaña ca mataxaqui ana ʼalhua

So Jesús ỹan so nachaalataxac nache ncaʼalaxateguesop na shiỹaxauapi ra nasouaxashet taq ra nleuaxa (Mateo 20:28). Ỹoqoʼoye ñi Dios ỹoʼoñe ra qomiʼ ỹanem ra tateec ra qanachaalataxac.

Ñi Jehová lcaʼaua so Jesús ra ntaʼa piguem lʼec nache iloʼogue ana ʼalhua. Taqaʼen huoʼo na laỹipi 144.000 shiỹaxauapi ỹalaxaguet ñi Dios. Na mayepi taigue qome ra piguem ra qancaʼalaxateec. Qaq reʼera noʼon lʼonataxanaxac na mayepi nachera qome ra Lʼonataxanaxac ñi Dios (Apocalipsis 14:1-3).

Ra Lʼonataxanaxac ñi Dios ỹoʼot qome ra mataxaqui ʼenauac ana ʼalhua. Nache imeuec ra laataxac, qachaxac, nachoxoyec taq ra nqouaxa. Na shiỹaxauapi ỹataqta machiguiñe qome (Salmo 145:16).