LAỸI 3
ʼEetec ra qaỹaỹamaxajñe na nqalanaxacpi
«Ỹataqta ỹactec qanqaʼeñi da qarauotaxanaqtaiqui ca qarỹai, chaʼaye da nsoxoyec nachera da ỹapalaxat na nasouaxashetpi.» (1 Pedro 4:8)
Ra huaron ca ỹale taq aca ʼalo, nache yoʼoq na ỹottaʼaʼt nqalanaxacpi. Neʼenapi yoʼoq petaʼa souaxat ra saq ʼenʼaʼt ra lmejnaxanaxaʼc qoʼ ram lataxac so qoỹaqchiʼt. Taqaʼen ishet ra nashelteuo ca chigoqtauec qoʼ camachaqca nqalanaxac sa qaiuataʼaguet.
Ishet ra sa qaiqochaʼa ca nqalanaxac ʼecoʼ saq huoʼo. Qalaxaye aye la Biblia ʼenac ra seuenaq ra ñachaachesopaq ca maye (Mateo 5:23, 24). Ra ʼanʼaxaỹaxana reʼera lqataxac, nache ʼauanata ra ỹataqta ʼauaỹamaxajñe ca ʼarqalanaxacpi.
1 ʼAUʼAXAT NA NQALANAXACPI
NA ʼENAC AYE LA BIBLIA: «Huoʼo ye laloqoʼ da detaqa» (Eclesiastés 3:7). ʼAuʼot ca ʼarraqaʼ yaqtoʼ ʼauʼaxat ca nqalanaxac. Ram ʼarcuennataxac, ʼauʼot ra ỹaỹateeta ca ʼaramoxoua. Qalaq saxaỹet ra ʼeesa ca ʼarʼaqtac ʼanqaʼen (Efesios 4:25). Naiʼctaxa ra huoʼo ca ʼaralemataic, qalaq ʼanʼañaxat ra sa ishet ra ʼaloqui. ʼEnʼam ca ʼetaxat iʼomaqchet ca norec, ca nʼaqtac ra huetaigui ra nsoxoyec nmanaqchet ca nayeloxo (Proverbios 15:4; 26:20).
Naiʼctaxa ra sa ʼanaỹateeteʼ ca ʼaramoxoua, sa ishet ra ʼaxaañi ra nsoxoyec. Qoqueta ra ʼauachaxan ra nqopitaxanaqtaic taq huoʼo ʼenec ʼanqaʼen (Colosenses 4:6). Pasaʼa ra ʼauaỹamaxajñe ca nqalanaxac, qataq sa ishet ra imauec ca ʼoonolec naʼaq ra sa qanʼaqtaxañiỹaʼt (Efesios 4:26).
RA ISHET RA ʼAUʼOT:
ʼAuʼot ca ʼaraỹamaqaʼ yaqtoʼ ishet ra qanʼaqtaxañiỹaʼt cam nqalanaxac
ʼAnʼañaxateguet ra ʼanshetaique ʼanqanaxateguet ra ña retaqtac ca ʼaramoxoua. Maiche qome huoʼo ca laloqoʼ nache ishet ra ʼautaqa
2 ʼANʼAXAỸAXANA TAQ ʼAUAỸATEETEGUET
NA ʼENAC AYE LA BIBLIA: «Ñi ʼoonolec ỹataqta ỹauotec ca lỹa [...], qataq ñi ʼoonolec huoʼo naq ʼenec naqaʼen ca lỹa» (Romanos 12:10). Ra lataxac ra ʼanʼaxaỹaxan ỹataqta ʼamaqtaqaic. ʼAnʼañaxat ra ʼauaỹateeteguet ra lmejnaxanaxac ca ʼaramoxoua. «Qauchoxoyiñi ca huoʼo ca huetapoigui qadỹai» qataq «sa ishet da qamiʼ napagaqnaxaiqa» (1 Pedro 3:8, DNS; Santiago 1:19). Sa ishet ra chochaq qonac ra ʼanʼaxaỹaxaatac. Ra ʼashet, caraʼac ra ʼaxaañi ca ʼauʼottac nache ỹataqta ʼaqochaʼa ca ʼaramoxoua, qoʼ ʼanat ra ishet ra qanʼaqtaxañiỹaʼt qome. Ca ʼaramoxoua ʼanauochaxaua, sa ishet ra ʼanpaʼaxaguenaxaua. Ra ʼauaỹateetegue yeʼeye, nache sa ishet ra pasaʼa ra ʼaualemata (Eclesiastés 7:9).
RA ISHET RA ʼAUʼOT:
Naiʼctaxa ra sa ʼauaỹamaxaren ca ʼenac ca ʼaramoxoua, sa ʼauapoguilo ñiua ʼartela
ʼAuaỹateeteguet ca naiguilo caua nʼaqtaqa. ʼAnaloqten ra lataxac ra lavilỹaxac taq ra lraxac na lʼoquiaxac ca ʼaramoxoua
3 QOQUETA RA ʼANʼAÑAXATTAC
NA ʼENAC AYE LA BIBLIA: «ʼEnauac na qanaʼañaxaalec noʼonatacpi huoʼo ca naigui, qaq na qalota naʼaqtacpi qalaq ỹoʼot da nachoxoyec» (Proverbios 14:23). Ra qaỹanata ra laỹamaxac ca nqalanaxac qalaq sa nalouaʼa. Qaiuen ra qaipaguelec ca nʼaqtac. Naiʼctaxa ra ltaʼaraic ca nʼañaxataxac, huoʼo ra naigui (Proverbios 10:4). Ra ʼenauaque qamiʼ qauʼonataxañi, nache «ltaʼaraic cam ỹachegoxotraigui» (Eclesiastés 4:9).
RA ISHET RA ʼAUʼOT:
Qauennataxañi négueʼt ca qauʼochi yaqtoʼ ca nqalanaxac ishet ra qaỹaỹamaxajñe
ʼAuʼot ca ʼarraqaʼ nache ʼanaloqten huaʼague ca iviraʼague ca ʼauañoxot