Lere na Cuerpo Gobernante

Qarauotaxat qarqaỹañecpi:

ʼEnauac qomiʼ na shioʼoxorenaqtac ñi Jehová ỹataqta sauotaxac na lʼaqtac ñi maye, ana la Biblia. Ỹataqta saỹatenac na naqtaguec netalec ana maye yoqta ʼeesa, taqaʼen huoʼo noʼon lqataxacpi ra nachaalataxac, taq ỹachaxan ra ñi Jehová ỹataqta ỹauotec na shiỹaxauapi (Salmo 119:105; Lucas 1:3; 1 Juan 4:19). Qomiʼ ỹataqta sauoqtaique setauanac ca laỹipi yaqtoʼ ishet ra nqatec paxaguenaxat ỹataqta ʼeesa maye netalec na lʼaqtac ñi Dios. Ỹoqoʼoye ỹataqta samaxasoqchiguiñi ra qamiʼ sachaxanaxa neʼena nerec: Paxaguenaxac ra ñapaxaguena ana la Biblia. Ishet ra qamiʼ sachaxanaxa ʼeetec ra qauoʼoxoñia neʼena nerec.

Neʼena nerec qaỹoʼot ra yaqtoʼ tachigui na ñaqpiolec. Qalaxaye taqaʼen ishet ra ivirauga ca qamachaqca huotaique nquiguec ra napaxaguena ana la Biblia. Ana la Biblia ivirauga ʼenauac na shiỹaxauapi, ỹoqoʼoye ʼenauac na lapaxaguenataxanaxac huetalec aye maye ishet ra qomiʼ itauan yaqtoʼ ishet samaxasoqchiguiñe.

Neʼena nerec roʼoxogona ana la Biblia yaqtoʼ iaʼaxat so naqtaguec na shiỹaxauapi chigoqtaʼa so qaỹoʼot ʼenauacna. Ỹataqta qaỹaỹamaxatchiguiñi ra qaỹachaxan ra qaiaʼaxat ra laloqoʼ ʼenauac na naqtaguecpi ra yaqtoʼ qaỹaxateeteguet.

Qalaxaye neʼena nerec saishet ra ndotec choche iaʼaxat na naqtaguec huetalec ana la Biblia. Na textopi taq na imagenpi qaỹoʼot yaqtoʼ ỹachaxan na nanomaxa yaqtoʼ saỹatenaqteguet neʼena naqtaguecpi.

Neʼena nerec qomiʼ ỹachaxana ra ana la Biblia iaʼaxat na netalec so shiỹaxauapi: ỹalaxaguet ñi Jehová taq so saishet ra ỹalaxaguet. Taqaʼen qomiʼ itauan ra ñeqataxauec paxaguenaxat ra laloqnaxanaxac seʼesopi shiỹaxauapi (Romanos 15:4; 1 Corintios 10:6). Neʼena nerec netalec na ỹottaʼaʼt na 14 laỹi. Na chigoqchiguiña na laỹi netalec na paxaguenaxac ʼamaqtaqaic ra ishet ra ñapaxaguenaxa.

Ra ʼam huoʼo ca aỹalec nache ishet ra qautaxaỹaxañi ca ʼoonolec paxaguenaxat nache qaumalligui na imagenpi. Lcopague ishet ra qautaxaỹaxañi na texto bíblico qaỹachoxotalec ca paxaguenaxat. ʼAtauan ca aỹalec ra ỹaỹateeteguet ra itaxaỹaxan netalec ana la Biblia taq na paxaguenaxatpi netalec neʼena nerec nateetaʼt. Taqaʼen ishet ra qaỹoʼogoxona neʼena yaqtoʼ qaitauan ca shiỹaxaua mashe ỹe ra ỹaỹateeteguet na netalec ana la Biblia.

Sauoqtaique ra ana nerec ishet ra itauan ca shiỹaxauapi ʼonaxaic ra lquiyaqteỹaxac, na nsoxotpi taq na mashe ỹe, ra napaxaguena ana la Biblia taq ipacchigui na lqataxacpi netalec ana maye. Nache na mayepi ishet taqaʼen ra ỹioʼoxoren ñi Jehová taq ỹalegueua na lauolecpi ñi maye.