¡Cam que’eca Mataqa’ mashe naye’etauo!

Nam ỹo’ota’a’t aloicpi huetalec ana a’lhua nache ỹachaxatac ra naye’etauo yem Mataqa’. Aye la Biblia mashe ‘enapeco’ co’ollaxa ra yaqta’a naye’etauo ye Mataqa’ nache chaqaica naua na’axa’te. Nagui mashe souactaiguilo na na’axa’te. Ye ia’axattaco co’ollaxa aye la Biblia ‘eeta’:

Laataxac l’taraic. “Ca nta’a maichi delogui’ ca lỹa nta’a” (Mateo 24:7 DNS). Ye’eye ia’axatac aye la Biblia mashe sogote co’ollaxa ra huo’o. Chigoqchiguiña so vi’i 1914 ra huo’oi soua dos laataxac lta’al nache jec ra laataxac. Qalota so shiỹaxauapi ileuaxaigui so laataxac.

Qalota na nalolaxaco. “Qataq huo’oi qome naua nalolaxaco” (Lucas 21:11 DNS). Qaq ¿mashe huo’o re’era qaỹaxactac? Nache ‘eetec mashe huo’o. Qalota na shiỹaxauapi ilem na nalolaxaco l’enaxat cáncer, nailoxolaxa, sida qataq huo’o na nhuetaxanaxa laỹipi.

Huo’o ra ncouaxa. Huo’o na shiỹaxauapi iicouat. Qalota na ilem na lcouaxa cha’aye qaica ca nallic. Ra mashe qaỹla’a re’era qaỹaxatac nache naye’etauo ca Mataqa’. Aye la Biblia ‘enapec: “Qataq huo’o ca ncouaxa” (Marcos 13:8 DNS).

Racholaxan ana a’lhua. “Qalota na ‘alhuapi na huo’o na nacholaxanaxa” (Mateo 24:7 DNS). Nagui nache ipacchigui ye’eyeua naqtaqa. Chixochiguiña so vi’ii 1914 ra qalota na shiỹaxauapi ỹalauat na lacholaxanaxac ana a’lhua.

Qauemaic na shiỹaxauapi. Na shiỹaxauapi “quetague’ da lqopitaxanaqtaic ana plata” qataq “maiche nauojla’t”. “Ỹagaqainapeguec ca maichi lqochoxo, qaq sa ỹoqochi’iguet Ñi Dios”. Ca ñalacpi “sa ỹalaxalguete caua lta’al” (2 Timoteo 3:1-5 DNS). Caq nagui ra anaxaỹaxatañe ¿huo’o na shiỹaxauapi nache ipaqchigui re’era l’ataxaq qaỹaxatac? Cha’aye saqañiỹa Ñi Dios, ỹoqo’oye saqaỹalemaxat na huotaique ỹauatton Ñi Dios.

Qauem ra ‘onataguecpi. “Qalota qome na sa ỹaỹamaxanisat” (Mateo 24:12 DNS). Nagui ra amejnaxatac nache nquiguisheguem qataq salaxaic na qauem ‘onataguecpi, cha’aye qalota na ñiitac ra qaicachiỹot huo’otaq ra qaỹalauat.

‘Enauac re’era ỹachaxatac aye la Biblia nache naigui ra mashe naye’etañe ra L’onataxanaxac Ñi Dios. Aye la Biblia ‘enapec: “Qaq nachi ‘eetec nataq’en qom qami’ mayi qauloiỹa’a da yi’oq ‘enauac ne’ena, nachi qauaỹajñi da mayi sa qaỹapeque da nvi’ ca l’onataxanaxac Ñi Dios da ilo’ogue ‘enauacna” (Lucas 21:31 DNS). Ra L’onataxanaxac Ñi Dios netague re’era piguem, nache chigoqtot ra maiche nonaxat qataq ilo’ogue qome ana a’lhua, caq ‘enauac re’era qome nache naigui que’eca Mataqa’ (Daniel 7:14).