Nʼonecpi ra qomiʼ ỹapaxaguenenque qataq ra qomiʼ ỹañaxat

NA NEREC qaỹoqojlec na huetalec aye la Biblia, laỹonat na nʼonecpi lliʼoxonnataxanaxaʼ queuoigui mashe mil viʼiye. Coʼolloxochiye na neraxanacpi ra maye iaʼaxat na ltaʼaraxanec lpiʼiỹaxac, na lyac saq ʼenaʼam. Taqaʼen na mayepi ỹachaxanguet ca lalamaxat ʼenaʼam ntonaxa qataq nquiʼic, lpeʼe qataq ntogotaxac, lliʼoxonnataxanaxa qataq laquicoxo. Nache reʼera ỹachaxa na ra mayepi ỹataqta ỹauotec Ñi Dios qataqaʼen nʼaigaxauʼ Ñi Maye. Semejnaq na lapaxaguenataxanaxac huetalec ye nere lʼenaxat Salmos.

Ñi Jehová ỹataqta ltaraic ntaʼa, ʼitchiguiñe na qaỹoʼoxoren. So Salmo 83:18 ʼenapecoʼ: ‘So arenaxat Jehová ʼam nroteec qoỹoqotchiguemec ana aʼlhua’. Qalota na nʼonecpi ỹiʼoxoren Ñi Jehová ca ỹoʼot na piguem añi huaqajñepi, lcaalaxa huetalec ana aʼlhua qataq na shiỹaxaua lʼocguiaxac (Salmos 8; 19; 139; 148). Taqaʼen qalota nam ỹiʼoxoren ca rogoxona na ʼenec na maye nqalaxatec na shiỹaxauapi (Salmos 18; 97; 138). Nataqaʼen lỹa roʼonaxaatalec na sa repeʼenaxan ra nmit ca nasouaxashet (Salmos 11; 68; 146).

Ñi Jehová ỹanem ra ltaunaxanaxac qataq lauotaxanaqtaic nam nauochaxauapi. Coʼolloxochiye, na huetalec ye Salmo 23 so David naloqneguet Ñi Dios piguem lʼec ʼenaʼam icoʼ ca iloʼogue ana qagueta anam icoỹataʼague qataq ltelaxa. Na huetalec ye Salmo 65:2 ña qomiʼ ntoueetaʼac Ñi Jehová “Nʼaxaỹaxanaxaic natamnaxac”. Iviraʼa nam ʼitaxaloxoicpi taqaʼen huoʼo na laʼañaxac ye Salmo 39 qataq Salmo 51. Raa maye iaʼaxat nache so David ỹataqta ntogottalec na ltaraic nasouaxashet qataq nache Ñi Dios lchoxonnataxanaxa so maye. Ye Salmo 55:22 na itauan nachaqtenot Ñi Jehová yoqta qomiʼ lỹauo na ltaunaxanaxac qomiʼ itauan ñi maye.

Ñi Jehová qomeʼ rogoxona ca lʼonataxanaxac ñi Mesías yaqto ỹanem ye nmataqaʼ ralaxaic. Ye Salmos qalota ca ỹachaxanapec ntaʼa qaỹamataʼac ñi Mesías. Ỹoqoʼoye ye Salmo 2 ỹachaxanapec ra yeʼeye ntaʼa nlaxajñe na shiỹaxauapi maye sa iʼamaqten Ñi Dios. Taqaʼen ye Salmo 72 ỹictega ra maye na nqouaxa qataq ñi ʼitaxaloxo. Nataqaʼen, ye Salmo 46:9 ỹachaxanapec Ñi Dios viʼiiguet naqaʼen ra alaataxac, iviraʼalo naqaʼen naua logaʼte ana aʼlhua ra huacac naqaʼen na noxonaxatpi. Qataqaʼen ye Salmo 37 lachaxanatac ca nmataqaʼ sa ishet huoʼo yiloxoicpi qataq na shiỹaxauapi npeʼet lcaalaxa chochaq tateec qataq machiguiñi.

(Qaỹachigoxotaña ye nerec Salmos.)