Lqataxac ỹajnaxanaxaic

HUOʼO cam ỹataqta naigui ra salaxasoxoguet na lqataxac Ñi Jehová? Ra auotaique ỹaỹaten nache qomiʼ iuen napaxaguen ra lqataxac huetalec aye la Biblia. ¿Ỹaỹamaqchiguiñoʼ na lqataxac Ñi Maye? ¿Qartauaʼn ca huoʼo ntonaxac na ncaalaxa? Yeʼeye nerec so Proverbios, so ỹajnaxanaxaic ntaʼa so Salomón ỹiyiñe qalota lqataxacpi yaqto ra noʼon lcaalaxa. ¿Chaq negueʼt reʼera lqataxac?

Qanauochaxaua Ñi Dios. Ra ishet ra qanauochaxaua Ñi Dios ỹataqta iuen peʼetega Ñi Maye. So Salomón ʼenapec: ‘Sepiʼaqtega Ñi Jehová ʼenauac añi lquiyaqte qataq sa ishet nachaqtenaxaic. Ca ʼenauac nqaʼaic nʼaxaỹaxantac qataq Ñi Maye nchinnaxashiguem ʼam nqaʼaic’ (Proverbios 3:5, 6). Nache ¿huaʼacoʼ nachaachisop qomiʼ peʼetega Ñi Dios? Ra ỹalaxaguet na lamaxasoxonacpi Ñi Maye. Nache ra lataxac reʼera huoʼo ỹataqta ntonaxac yaqto ca qomiʼ ntonaqchit añi lquiyaqte Ñi Jehová qataq na nachaachisop so Satanás tenataxanaxaic (Proverbios 27:11).

Lauolʼec qataq nauochaxauapi. Na lauolʼecpi qalota iuen ca lqataxac Ñi Dios. Ỹoqoʼoye Ñi Jehová ʼenapec ca lhua: ʼam ỹamaqchit aca lhua coʼollaxa huaron, nache ʼeetec iaʼaxat iuen npeʼet aca lhua (Proverbios 5:18-20). Ye capítulo 31 so nerec Proverbios taqaʼen ỹanem lqataxac aca lhua. Yeʼeye capítulo iaʼaxat chaʼaye ca lhua qataq llalecpi noʼon ra nmejnaguec aca maye. Taqaʼen iaʼaxat chaʼaye iuen na llalacpi ỹalaxaguet naua ltaʼa (Proverbios 6:20). Nataqaʼen ye nerec iaʼaxat sa ishet ra chochi reto huoʼo nauochaxaua qataq qomiʼ ivitaxanot na iỹoteec na lỹa, chaʼaye napagaqajnaxaic (Proverbios 18:1). Nache sa ishet chochi reto huoʼo ca nauochaxaua qataq qomiʼ iuen lcaʼagui ca maye, yaqto sa ishet lcaʼagui nauochaxaua yiloxoicpi (Proverbios 13:20; 17:17).

Qomiʼ lataxac. Ye nerec so Proverbios ỹanem noʼon lqataxac yaqto sa ishet huoʼo noỹiitac añi lquiyaqte qataq lʼotanaxanaxac lanatec ʼenaʼam nỹomaxaic. Taqaʼen qomiʼ ra itauan lʼonataxanaxanec noʼon (Proverbios 6:6; 14:30; 20:1). Nataqaʼen qomiʼ ivitaqteetega ra sa ỹalaxaguet na lamaxasoxonacpi Ñi Dios, ỹataqta huoʼo ca logaʼt qauem (Proverbios 14:12). Qataqaʼen ỹanem lqataxac noʼon yaqto retelaqtaxan qomiʼ lquiyaqte chaʼaye reʼera icoỹaʼ qomiʼ lataxac (Proverbios 4:23).

Nache reʼera lqataxac noʼon iuen na qalota shiỹaxauapi ca ʼenauac aʼlhuapi. ʼEnauac na mayepi ỹataqta yoqta ʼeesa naqaʼen ishet ra ỹalaxaguet na lamaxasoxonacpi Ñi Jehová ỹaỹamaxañe.

(Qaỹachigoxotaña ye nerec so Proverbios.)