Cam ʼeetec ra ishet ra nquiguec ye araỹajnec

So Elia ʼenapega so Gostavo qataq aso Maria ra huoʼo ra lyaxa so maye qataq aso lhua ra itaunec ra nquigaxatrec ra laỹajnec na iaʼaxatac aye la Biblia. Nache ỹachaxana aso nere huetalec so qaỹaxattac.

So Gostavo qataq aso Maria nache imeteetaʼape aso nere na huetalec ỹachaxatac na saxaỹet ra soua maye huotaique ỹaỹateʼn. So Elia lʼaqtac, ana nere saqalaq ra qaỹaỹaten na huetalec.

—Nam capitulopi —lʼaqtacoʼ so Elia— huaʼauñe huoʼo na qainataxanecpi yaqto ishet ra qaỹaỹateeteguet ye iaʼaxattac, taqaʼen huoʼo na recuadro qaỹamataʼac “Ram lapaxaguenataxanaxac aye la Biblia”. Nache laponaʼt na ỹoqta huotaique ra qaỹapaxaguenataxanec, taqaʼen roʼogoxona na textopi. Taqaʼen huoʼo na nenaqtacpi qataq saqalaq ra qanapaxaguena.

So Gostavo qataq aso Maria nache ra lyaxa ra itaxaỹaxan. So Elia iaʼaxatema soua maye so nʼaqtaxatrapigui sa ishet ra chochaq icoʼ nʼaqtaguec nache soua maye huotaique nquigaxatrec ra laỹajnec na iaʼaxatac aye la Biblia. Ime coʼollaxa nache so Gostavo qataq aso lhua ỹanem ra nachiquiaxac so Elia qataq aso Sosaana chaʼaye nasapatteʼ ra itauaʼn soua maye yaqto ỹanatra ra nqaʼaic maye ỹoʼot soua maye ra machiguiñe qataq ra ỹaʼamaqchiguiñe.