PAXAGUENAXAT 6

¿Négue’t ca ’eetapeguec ñi Dios ana a’lhua?

ÑI DIOS ỹo’ot ana a’lhua yaqto lma’ na shiỹaxauapi. Ra l’aqtac ñi maye ’enapec: «Ñi Jehová lalamaxat na piguem taq ana a’lhua ỹanem na llalacpi shiỹaxauapi» (Salmo 115:16, NM).

Co’ollaxa ra ỹo’ot hua’auñe so shiỹaxaua, Adán, huo’o so a’lhua ỹataqteguet lca’agui ñi Dios qaỹamata’ac Edén nache ñi maye ỹachalec so ’onaxaic nanaxanqa’. Ana la Biblia ỹachaxanapec soua l’auaxac ye Éufrates taq Tigris (Hidequel) chigoqchiguiña so Edén.a Qaỹaxattac se’eso nanaxanqa’ l’enaxat Edén co’ollaxa, huetaña ye l’este ye a’lhua nagui qaỹamata’ac Turquía. Co’olloxoche so Edén ỹataqta ’eesa ra.

Ñi Dios ỹo’ot so Adán, nache ỹanalec so Edén «da do’onataxaalec qataq ilo’ogue» (Génesis 2:15). Lcopa’ague nache qaỹo’ot aso ’alo l’enaxat Eva. Ñi Dios ỹamaxaleguete soua namoxo’u: «Ỹataqta saqalota qome ca qai’alquiipi; qanlaxachiitelec ana ’alhua qataq qauloỹigue» (Génesis 1:28). Ñi Dios sa ishet ra chochaq ỹo’ot ana a’lhua ra qaica ca naigui, ỹo’ot cha’aye huotaique ra nlaxalec ana maye (Isaías 45:18, NM).

So Adán taq aso Eva mashe ỹaỹateeta ra qaỹamaxaleguete, qalaxaye soua maye sa ỹalaxaguet ra l’aqtac ñi Dios. Ỹoqo’oye qaỹolrauec soua maye ye Edén. Nache so Mataqa’ rqat. Qaq ra lasouaxashet so Adán naigui ra ñaq queta ra quejnaxac. Ana la Biblia ’enapec: «Qaq chigoqchigui so ’oonolec shiỹaxaua da huo’o mshi huo’o da nasouaxashit ana ’alhua qataq da nleuaxa. Huaña, nachi da nleuaxa taigui ’enauac na shiỹaxauapi, cha’ayi ’enauac namayipi huo’o da lasouaxashit» (Romanos 5:12).

¿Qaq ỹaxañe ñi Jehová ra ’eetapeguec ra Mataqa’ ana a’lhua ra ishet ra nlaxalec ra machiguiñe na shiỹaxauapi? Sa ishet. Ana la Biblia ’enapec: «[Ñi Dios] sa datenataxan qataq sa nadalaxat ca lhuennataxa. Ñimayi da huo’o ca l’aqtac, qalaq i’ot. Da huo’o ca ỹachaxanapec, qalaq ipacchigui» (Números 23:19). Ana a’lhua ltaxa ishet ra Mataqa’.

¿Ca ’eetec qome ca lmariaxac que’eca Mataqa’? Semetenac ’enauac na ỹachaxanapec ana la Biblia maye huetalec naua lỹa laue ana nmejna.

a Ye Génesis 2:10-14 ’enapec: «Nachi so ’alhua mayi l’enaxat Edén chigoqchiguiña so l’auaxac cuatro naua llico, da ipejlec yim nanqa’ ana nanguishi. So l’auaxanec se’esoua l’auaxaco l’enaxat Pisón [...]. Qaq so lỹa l’auaxac l’enaxat Gihón [...]. Qataq so lỹa l’auaxac l’enaxat Tigris, som connegue da nala’ lliguishiguem yim ’alhua l’enaxat Asiria, qataq so lỹa l’auaxac l’enaxat Eufrates» (Génesis 2:10-14). Sa ishet ra qaỹaỹateetac so ỹataqta huetaña soua l’auaxaco l’enaxat Pisón qataq Gihón.

Qaiuatta’aguet que’eca Nmataqa’ ne’ena a’lhua

Qanca’alaxateec na leuaxaicpi: «’Enauac na leuaxaicpi, da hua’axaỹa da lavilỹaxac namayi, nachi chigoqchiguinguilo naua huachiqui da ñishiguem» (Juan 5:28, 29).

Nache qaica ca queroxo, nalolaxa, l-leuaxa: «Qaica ca shiỹaxaua ’enapec: ‹Aỹem sa no’on›» (Isaías 33:24, NM). Ñi Dios «iỹodeec ’enauaque naua lachi’ namayipi. Huaña, nachi sa ishit da ileu ca shiỹaxaua, qataq sa ishit da noỹiitac, huo’otaq da n’alaqtapiguiñi, huo’otaq da huo’o da nqui’ic» (Apocalipsis 21:4).

Qome no’on na nallec qataq ỹaguec na maye: «Na ỹotta’a’t nanguishic ana ’alhua mashi huo’o da alaỹaxac; ¡cha’ayi ñi qanatamnaxala’ huo’o da lqouagaxanaqtaic da shinaqta!» (Salmo 67:6).

Qome ’onaxaica na nma’ate qataq tateec ra no’on ra n’onataxanaxac: «Na shiỹaxauapi i’o’t qome naua lma’te, qalaxayi netaiguilo, [...] ne’ena llica’aguishicpi ñaq’en cam naigui da l’onataxanaxac» (Isaías 65:21, 22).

Qome imeuo na qauemaicpi, laataxanaxaicpi taq na alaataxac: Ñi Jehová «ỹataqta vi’iiguet naq’en da alaataxac, ivida’alo naq’en naua loga’te ana ’alhua» (Salmo 46:9). «¡Ña nal’en ra imeuo qome na qauemaicpi!» (Salmo 104:35).