¿Négueʼt ca ʼeetapeguec ñi Dios ana aʼlhua?

1. ¿Táʼainec ra ỹoʼot ñi Dios ana aʼlhua?

Ñi Jehová ỹoʼot ana aʼlhua yaqto huetalec na shiỹaxauapi nalec ana maye. Ca ỹoʼot so Adán taq Eva, soua huaʼauchiguiñe namoxoʼu, sa ishet ra qaỹoʼot yaqto nlaxalguelte ye piguem. Ñi Dios mashe ỹoʼot coʼollaxa na angelpi ra netalec ye piguem (Job 38:4, 7). Ñi Jehová ỹachalec so huaʼauchiguiñe ỹale so ʼonaxaic mataqaʼ lʼenaxat Edén (Génesis 2:15-17). Taqaʼen ỹanem na llalacpi qomchiye ra ishet ra huoʼo ca ntonaxac ra achaalataxac chochaq tateec ana aʼlhua. Autaxaỹaxan Mateo 5:5 taq Jeremías 27:5.

Huaʼauñe seʼeso mataqaʼ Edén ndotec netalec qappi ye laỹe ana aʼlhua. So Adán taq Eva huoʼoi ca llalacpi yaqto ishet ra nlaxalec ana aʼlhua nache queta ra nquiguec so mataxaqui (Génesis 1:28). Ana aʼlhua saxaỹet ra lmaʼ na shiỹaxauapi taq huanna ra qanlaxajñe. Autaxaỹaxan Salmo 104:5.

2. ¿Táenʼco ra sa ishet ana aʼlhua ra mataxaqui nagui?

Chaʼaye so Adán taq Eva sanaxaỹaxanalo ñi Dios nache qaỹolrauec ye Edén. Ỹoqoʼoye so mataqaʼ rqat nache qaica ca nauaỹaxasheguem. Qalaxaye ana la Biblia ʼenac ana aʼlhua huetaleguete na lhuaxaye na shiỹaxauapi qauemaic (Job 9:24). Autaxaỹaxan Génesis 3:23, 24.

Qaq ¿petaʼa icouai ñi Jehová ra ʼeetapeguec? Sa ishet, chaʼaye saq ca iqalanapec taq huanna ra sa iviʼ ca ʼeetapeguec (Isaías 45:18, [TNM]). Qaq qomchiye ñi Dios ỹoʼot ra nachaalataxac na shiỹaxauapi ʼenaʼam coʼollaxa so nshetaique huaʼau. Autaxaỹaxan Salmo 37:11, 34, TNM.

3. ¿ʼEetec ra ỹoltaxa qaỹoʼot so mataxaqui?

So Jesús ntaʼa ra Lʼonataxanaxac ñi Dios ye piguem naralaxat ana aʼlhua nache ỹoʼot mataxaqui. Ltaua na angelpi nache nlaxajñe ʼenauac na npaʼaxaguenaxaua ñi Dios ca loquiaxac lʼenaxat Armagedón. Nache qaỹapouaʼa mil viʼiyel so Satanás, chaʼaye souaxat ñi maye ỹoʼot ra sanaxaỹaxana ñi Dios so Adán taq Eva. So lʼonataxanecpi ñi Dios ncaʼalecpi queʼeca laataxac, so Jesús ỹauegueta taq iloʼogue, nache ivita ra huoʼo ca ntoonaguec taq ra nachaalataxac chochaq tateec ye mataqaʼ. Autaxaỹaxan Apocalipsis 20:1-3 taq 21:3, 4.

4. ¿Lagui ra imeuo na quejnaxac?

¿Lagui ra imat ñi Dios na qauemsat? So Jesús ỹan so naʼanaxac nache qaỹaỹaten lagui ra nviʼ queʼeca naʼaq. Ra lataxac na naʼaxaʼte nagui ỹasauaqtaxan ra lcaʼalaxa na shiỹaxauapi, neʼena ỹachaxan ra maye so naqtaʼa na «logaʼt» ʼenauacna. Autaxaỹaxan Mateo 24:3, 7-14, 21, 22.

Queuoigui so mil viʼiyel so Jesús ramaxasoxoguetalec ana aʼlhua qaq so maye netaʼa ye piguem nache nqattauec ʼenauac na ỹoʼot na quejnaxac (Isaías 9:6; 11:9). Taqaʼen nataxalaʼ na ntaxaỹaxanecpi, nache ỹoʼot ra ỹapalaxat na lasouaxashetpi na ỹauotec ñi Dios. Ñi Dios roʼonataxangui so Jesús ra imat na nalolaxaco, nqueroxo taq na nleuaxa. Autaxaỹaxan Isaías 25:8 taq 35:5, 6.

5. ¿Négueʼt ca nalguete qome ye mataqaʼ?

Na shiỹaxauapi ra naxaỹaxana ñi Dios nalguete ye nmataqaʼ (1 Juan 2:17). So Jesús ỹamaq so lataxanatacpi ra ilaique na shiỹaxauapi ʼonaxaic lquiyaqteỹaxac ra ỹapaxaguenec ʼeetec ra naueguelaʼt ra lauochaxac ñi Dios. Nagui Ñi Jehová ỹaqataxatai qalota shiỹaxauapi yaqto nalec ye nmataqaʼ (Sofonías 2:3, [TNM]). Cam laponaʼt yem naponaxaqui na testigopi de Jehová napaxagueʼn ra noʼon nhua taq ntaʼal, taqaʼen ỹaconguet ra noʼon nʼaxaỹaxac ỹan aye la Biblia. Autaxaỹaxan Miqueas 4:1-4.