¿ʼEetec ra ishet ra machiguiñe na namoxou taq ñalacpi?

1. ¿Táenʼco ra ỹataqta iuen ra qoỹereuo ca naronaxac?

Ñi Jehová nachiñi ñi Dios ntoonatan ra chigoqoʼot lappa na ʼonaxaic nʼaxaỹaxac, huotaique ra na lamoxoñepi ra ỹataqta machiguiñe (1 Timoteo 1:11). Ñi Maye nachiñi ñi chigoqoʼot ra naronaxac. Ra qoỹereuo ca naronaxac, ỹañe ra npaxalguete caua huaronaʼt taq ca llalacpi nache ishet ra machiguiñe ʼenauac na mayepi.

Ñi Dios huotaique ca huaronaʼt, ỹale taq ʼalo, nache ra nqataʼat chochaq tateec. Na cristianopi iuen ra naxaỹaxana na ngobiernopi nache ỹereuo ca laronaxac (Lucas 2:1, 4, 5). Ñi Jehová nshetaique ca namoxoʼu ʼenauaque iloʼoguet ra laronaxac (Hebreos 13:4). Ñi maye nquiʼia ra qanalate’ aca nhua (Malaquías 2:16). Qalaxaye huaxaiaʼa ca shiỹaxaua ra ỹalat ca lamoxouʼa, taq ishet ra ỹoltaxa huaron ra, queʼeca nhua huoʼo ca hueguet. Autaxaỹaxan Mateo 19:3-6, 9.

2. ¿ʼEetec ra nhuojnat ca nhua taq aca lhua?

Ñi Jehová ỹoʼot so ỹale taq aso ʼalo yaqto ntaunat yeʼeye naronaxac (Génesis 2:18). Ca ỹale tachigui ra nqaic nache talec ra iquiaxan na llalacpi taq aca lhua. Taqaʼen ỹapaxaguenque na Lʼaqtac ñi Dios. Taqaʼen ra nañaxataxac chaʼaye ỹauotec aca lhua. Caua namoxoʼu nache nauoteetat taxa taq huoʼo ʼenec ca maye. Chaʼaye ʼenauaque sa ishet ra sa npeʼenaxan taqaʼen napaxaguena ra rchoxonnataxaʼn nache ishet machiguiñe. Autaxaỹaxan Efesios 4:31, 32; 5:22-25, 33 taq 1 Pedro 3:7.

3. ¿Petaʼa ishet ra qoỹaxañe ca naronaxac ra saq ca ntoonaguec?

Ca namoxoʼu huoʼo ca lqalaic ʼenauaque noʼon ra nʼañaxat ra ỹauotec taq nhuonaʼt (1 Corintios 13:4, 5). Na Lʼaqtaqa ñi Dios sa ishet ra ỹachaxan ra naralaʼt ca namoxouʼ ra huoʼo ca lqalaic. Autaxaỹaxan 1 Corintios 7:10-13.

4. ¿Négueʼt ca huotaique ñi Dios na ñalacpi?

Ñi Jehová huotaique ca ñalacpi ra ỹataqta huoʼo ca ntoonaguec. Ỹoqoʼoye ỹapaxagueʼn na ỹataqta ʼonaxaic lataxac ra ñaq nsoq. Taqaʼen huotaique ra qaỹacongueta ra laỹajnaxanaxac taq lliquiaxac naua ltaʼal (Colosenses 3:20). Taqaʼen huotaique ra qaỹaỹaten ra ʼonaxaic ra soʼonataxanqot ñi maye taq so llalec. Autaxaỹaxan Eclesiastés 11:9–12:1; Mateo 19:13-15 taq 21:15, 16.

5. ¿ʼEetec ra ishet rtaunaxan na ntaʼal ra ỹataqta ntoonateʼ na llalqa?

Naua ntaʼal ishet ra ỹoʼot ra nʼañaxat ra iquiaxan, lmaʼ taq ca ỹaʼañe (1  Timoteo 5:8). Qalaxaye reʼera sa nalaʼa. Taqaʼen ishet ra ỹapaxaguen ra ỹauotec taq iʼenaxat ñi Dios (Efesios 6:4). Caua ntaʼal ra ỹataqta ỹauoteque ñi Dios reʼera ỹataqta ipot añi lquiyaqte na llalacpi. Ca napaxaguenaxac ra huetalec aye la Biblia ishet ra ỹaỹamaxajñe ra lhuennataxac. Autaxaỹaxan Deuteronomio 6:4-7.

Na ñalacpi iuen ra qaỹañaqchet taq qaỹiʼoxoren ra huoʼo ca ʼonaxaic ỹoʼot. Huoʼo taqaʼen ra iuen ra qanlaxan taq qanlaxanec, nache ra ivitaʼa ra huoʼo ca ỹoʼot maiche nasouaqtaxalaʼa (Proverbios 22:15, [TNM]). Qanache queʼeca nlaxanaxac sa ishet ra ỹataqta qaramchigui. Autaxaỹaxan Colosenses 3:21.

Na testigopi de Jehová qanqatec lappa nerecpi tachigui na ntaʼalpi taq na llalacpi. ʼEnauac na netalec qanqatec aye la Biblia. Autaxaỹaxan Salmo 19:7, 11.