Ra rhuaxanaxan na queʼejnaxac

ʼAshet ra ʼanʼañaxalec ye ʼarhuaỹaxac taq ye ʼarmaʼ yaqtoʼ machiguiñi, qalaq huoʼo naxa ra anac ca sa qaiuataʼaguet nache nqat ra laỹamaxa ca ʼantoonaguec (Eclesiastés 9:​11). Qalaq ñi Dios qomiʼ ỹanema ra ltaunaxac ra huoʼo na qarqalanaxacpi. Qomele qaiʼaxaʼt ra lqataxac aye la Biblia. Ra qoquegue, nache ʼam taq ye ʼarmaʼ ishet ra qanʼañaxachiiguet nam ỹataqta qalaqaic nqalanaxac.

1 ʼAPIʼIỸAʼA ÑI JEHOVÁ

NA ʼENAC AYE LA BIBLIA: «ʼEnauac na qauennacheetapega ỹataqta qaumachiỹoʼot Ñim Loʼonatac ʼEnauacna, chaʼaye Ñimaye qamiʼ ilotegueto» (1 Pedro 5:7). Saxaỹet ra ʼacuennate na nqalanaxacpi saq chigoqoʼot ñi Dios (Santiago 1:​13). Ra ʼanquigot, nache ỹataqta ltaʼaraic ra ltaunaxanaxac (Isaías 41:10). «Ỹataqta qaumachiỹoʼot da qarquiyaqteỹaxaqui.» (Salmo 62:8.)

Ra ʼautaxaỹaxan taq ʼanapaxaguena aye la Biblia ima na naʼaxaʼte ʼam iʼañaqchet. Ra ʼauʼot, nache ʼananomteguet ñi Jehová «qomiʼ iʼañaqchiʼt da ivita da huoʼo ca qanqueʼejnaxac» (2 Corintios 1:​3, 4, DNS; Romanos 15:4). Ñi maye ỹachaxanapec ra ʼam ỹañeʼ «da l-lagaxayic mayi ỹataqta napacalec ʼenauac nam laỹajneguesat» (Filipenses 4:6, 7, 13, DNS).

RA ISHET RA ʼAUʼOT:

• ʼAnatamenot ñi Jehová yaqtoʼ ʼam maguiñi taq ỹasattec ye ʼarhuennataxa

• ʼAnmit négueʼt ca ishet ra ʼam itauan nache ʼalcaʼauʼa ca ỹoqta noʼon

2 ʼANLOʼOGUELAʼT, TAQAʼEN YE ʼARMAʼ

NA ʼENAC AYE LA BIBLIA: «Da lquiyaqteỹaxac ca ỹaanataxanaxaic ỹaconeguet da lauattonaxanaxac, qaq da laʼaxaỹaqchec na ỹaanaxanaxaic qalaq nmittaʼai da naỹaanec» (Proverbios 18:15). ¿Négueʼt ca iueetaique ye ʼarmaʼ? ʼAutaxaỹapegueʼ taq ʼanʼaxaỹaxana na mayepi ñi ʼoonatac, nache ishet ra ʼanmitta ca iuen (Proverbios 20:5).

¿Qaq ra ileu ca ʼarauotaxat? Sa ʼancoq ra ʼasouec na huetaigui añi ʼarquiyaqte. ʼAuennataʼa, taqaʼen so Jesús «nỹeetac» (Juan 11:35; Eclesiastés 3:4). Taqaʼen ʼauen ra ʼanmateec taq ʼauʼoche (Marcos 6:31). Reʼera ʼam itauan ra yoʼoq na queʼejnaxac.

RA ISHET RA ʼAUʼOT:

• Saxaỹet ra ʼanʼaqtaxaneʼ ye ʼarmaʼ, ra saxanaxa yoʼoq ca queʼejnaxac. Nache qom yoʼoq, na mayepi lhuotta ra ʼam nʼaqtaxaneʼ

• ʼAnʼaqtaxaneʼ ca mashe huaigui ca ʼecoʼ ʼenʼam na ʼarqalanaxac

3 ʼALAQUE RA ʼAUEN CA NTAUNAGUEC

NA ʼENAC AYE LA BIBLIA: «Ca auochaxaua camaye nache ʼeetaiʼ da auochaxaua, chaʼaye da ivita da qanayeuaigui ca queʼeenaxac qalaq camaye ʼeetaʼam ca nqaỹa» (Proverbios 17:17). Na ʼanauochaxauapi nshetaique ʼam itauan, qalaq petaʼa sa ỹaỹaten ca ʼeetec. Qonapega ca ishet ra ỹoʼot (Proverbios 12:25). ʼAlaque nam ỹauatton aye la Biblia. Nache na lqataxac ishet ra ʼam nauaxaỹaxaasheguem (Santiago 5:​14).

Saxaỹet ra ʼaualeeguet na ʼañaxaic lpiʼiỹaxac taq piʼiỹaʼa na ỹachaxanapec ñi Dios. Na mayepi ishet ra ʼam itauan. Taqaʼen ishet ra ʼatauan cam huoʼo ca laquicoxo. ʼAuʼaxatema na ʼarpiʼiỹaxac ñi Jehová taq na ỹachaxanapec. Reʼera ỹataqta ʼam iʼañaqchet. ʼAmeʼeguet ra ʼatauaatac nam iuen ra aquitaxac. Sa ʼanỹoteguesop na ʼam iqochaʼa taq ỹauotec (Proverbios 18:1; 1 Corintios 15:58).

RA ISHET RA ʼAUʼOT:

• ʼAutaxaỹaxapegueʼ ca noʼon ʼanauochaxaua taq ʼanasheeta ra ʼam itauan

• ʼAuʼaxatta na ʼarhuenaxanaxacpi ỹataqta ʼeesa ʼanqaʼen