Qaviʼiguelaqaỹa so «qagueta lʼo, qataq iloʼogue da qanachaalataxaqui»

ÑI JEHOVÁ ʼam icoỹaregue so nqaʼaic ra ʼaviʼiguelaxa. Ñimaye ʼam itauan yaqtoʼ ʼaushet ʼauataỹaʼaguet na ʼarhuogoxoyecpi, nataren ra qaiquemaqchet ye ʼarquiyaqteỹaxac qataq ra ʼauaconguet ra ʼantonaguec ra quiʼitta pauo ʼarvilỹaxac. Ra ʼauañoxot reʼera, nache ʼauaỹateeta ra huotaique ra ỹoltaxa ʼauʼonataxanot ñi Jehová ʼartaua añi congregación. Ra qouaigui nache ʼenaʼam ra huaigui so cristianopi so siglo primero, maye so apóstol Pedro ỹamaxa so lʼaqtac: «Chaʼayi qamiʼ coʼollaxa qoñiitaʼam aca qaguetapi mayi isomtac, qalaxayi nagui da qaviʼiguelaqaỹa ñi Dios mayi ishit da qamiʼ ntelaʼalo da ʼeetaʼam ca qagueta lʼo, qataq iloʼogue da qanachaalataxaqui» (1 Pedro 2:25, La Biblia. Traducción del Nuevo Mundo [NWT]).

Ỹataqta qaica ca ʼenaʼam ra ỹoltaxa ʼam talec ra lauochaxac ñi Jehová. ¿Táʼaencoʼ? Huaʼauñe, chaʼaye ʼauʼot ra ltaʼaraic ra ntonaxac ñí Jehová (Proverbios 27:11). Chaʼaye ʼauaỹaten, ñi Dios huoʼo ra lquiyaqteỹaxac, nache na soʼotacpi ishet ra iuet qoʼ ntonatan ñi maye. Qalaxaye ñimaye saishet ra qomiʼ ipataqtaʼaque ra sauotaxac qoʼ ra soʼonataxanqot (Deuteronomio 30:19, 20). Huoʼo so shiỹaxaua paxaguenaxaic ana la Biblia, ʼeetaʼ: «Añi lquiyaqte ca shiỹaxaua ndoteec ra ỹauatoigui ye paʼauo, saishet ra qaỹauatoigui ye paʼauec». Ra soʼonataxanqot ñi Jehová sauoqtaʼa ra nauotaxanaqtaic, nache ʼeetaʼam ra llicaʼaxaʼua ra sauataxaguet ñimaye añi qarquiyaqte. Reʼera ỹataqta ỹoʼot ra machiguiñe, chaʼaye ñimaye ilaʼa ra qaralaxayec ʼenaʼam ca ʼonaxaic nachetaqtaxanaxat. Qaica ca lỹa ishet nqaʼen ra qomiʼ machiguiñe ra shiʼoxorenaq ñi Jehová maye itchiguiñe ra qaỹoʼoxoren (Hechos 20:35; Revelación 4:11).

Taqaʼen, da ʼaviʼiguelaxauo, nache ʼauaconguet da nallic da nʼaqtac maye ʼauen (Mateo 5:3). Saloqnaxana, qalota na shiỹaxauapi nnataxatapeguelaʼt neguet ca naigui ra achaalataxac, qalaxaye saishet ra ỹanata ra lasataxac neʼena taq na laỹipi nnataxanaxacpi amaqtaqaicpi. So qomiʼ ỹoʼot ñi Jehová nqaʼen ñanaqteueegue ra qarhuenaxanaxa ra ñimitaqaique ñi maye, nache ỹaỹaten ra soʼonataxanqot itchiguiñe ra nqaʼen ỹataqta machiguiriñe. Ỹoqoʼoye, qaica ca lỹa ʼam ỹanem ra machiguiñe ra aviʼoxoren Ñi Jehová souaxat ra ʼarauotaxanaqtaic (Salmo 63:1-5).

Ñi Jehová nshetaique ra ʼaviʼiguelaxa na npueblo. Ỹachaxan reʼera ra ʼam huetoʼot anaʼana nmejna. Qaiỹaxanot ra ltaunaxanaxac Ñi Jehová nache ỹataqta qaimatalec ra qoiriñe. Ime, petaʼa ca anciano añi congregación qo ca lỹa nqaỹa ʼam ỹanem, nache ʼam ʼautaxaỹaxan. Yoqta so ʼataxaỹaxaatac itoqootac añi arquiỹaqte. ʼEnauac reʼera ỹachaxan ra Ñi Jehová saishet ra am icouaʼai qataq lauoche ra ʼam ỹaconguet (Juan 6:44).

Qomiʼ iʼañaqchet ra saỹatenaq ra ñi Jehová sa icouaʼai ana qaguetapi deqatauec. Reʼera ỹaỹaten aso qarqaỹa lʼenaxat Donna. Asomaye ʼenac: «Aiem nqochiita ra salattauec ra ʼeesa lataxac, qalaxaye saxaỹet ra secuennataxalec ye Salmo 139:23,24, maye enapec: ‹ʼAm Nataxalaʼ, aỹem ʼauchemaxata qome yaqtoʼ ʼauaỹaten da iquiyaqteỹaxac, aỹem ʼaviʼiguen qome yaqtoʼ ʼauaỹaten na iuennataxacpi, ʼaumeten qome da iqauaxac da shectagueʼ ca qauem nqaʼaic, nache aỹem ʼauauecteuga so nqaʼaic maye chochaq tatec›. Nam huetalecna quetagueʼ so Satanás huanna ra samaqteguetpi. Aiem saỹaten ye ilagaqaʼ nache huetaña añi congregación cristiana. Nache saỹaten ra ñi Jehová huanna ra aiem ỹalatauec, qalaq ndoteec ra seuen ra sanata ra nqaʼaic ra sheʼeguelaxa ñimaye. ¡Ỹataqta ỹaguec ra ñitonaxac ra shiʼiguelaxauo!».

Ñatamnaq yaqto ỹoltaxa ʼauaconguet ra l-lagaxayec ñi Jehová ye ʼanachaalataxac (Nehemías 8:10). Taq ʼauaỹateeta ra huanna ʼantogottegueʼ souaxat ra ỹoltaxa ʼaviʼiguelaxa ra ʼanauochaxaua ñi ʼArtaʼa Dios.