NʼONEC 75
«Aỹem ʼauamaq qome»
(Isaías 6:8)
1. Na ỹallepi ra nshepaxan
ra lʼenaxat ra ñi Jehová.
Saishet ra iʼamaqten ñi Dios,
iʼaxat ra ñimaye qauem.
¿Négueʼt ca ishet ra iuejlec?
¿Ra lʼenaxat qaiʼaxateec?
(ESTRIBILLO 1)
«Aỹem sootaʼa neʼena,
ra ʼarʼenaxat ra seuejlec.
Nataxalaʼ, huoʼo ra ʼenec,
aỹem ʼauamaq qome».
2. Qaica ca ỹaanaxanaxaic,
ʼeeta: «Ra ñi Jehová qaica».
Qaỹiʼoxoren na nqolacpi,
ỹan ra ʼenec na ntaʼalpi.
¿Négueʼt ca ishet ra iʼaxatem,
qome huoʼo ca nlaxajñe?
(ESTRIBILLO 2)
«Aỹem sootaʼa neʼena,
ishet ra saʼaxatem reʼera.
Nataxalaʼ, huoʼo ra ʼenec,
aỹem ʼauamaq qome».
3. Na soxoraic huoʼo ra nquiʼic
chaʼaye ỹaguec na qauemsat,
nmittaique ra yoqta ʼeesa
qataq ra nlagaxayec.
¿Négueʼt ca ishet ra raʼaqtaxan,
na lʼaqtaqa ra ñi Jehová?
(ESTRIBILLO 3)
«Aỹem sootaʼa neʼena,
cam soxoraic ra saʼañaqchet.
Nataxalaʼ, huoʼo ra ʼenec,
aỹem ʼauamaq qome».
(Taqaʼen ʼameten Sal. 10:4; Ezeq. 9:4).