15 “Pavuli paki, uto mbereri yimoza yinthulumi ndipu Aroni ndi ŵana ŵaki anthulumi aŵiki manja ngawu pamutu wa mbereri yo.+ 16 Ubayi mbereri yo, uto ndopa zaki ndipu uziwazi mumphepeti mosi mwa guŵa la sembi.+ 17 Udumuwi mbereri yo viŵaluviŵalu, usuki matumbu ngaki+ ndi viboda vaki ndipu chiŵalu chechosi uchiŵiki pamoza ndi chinyaki, uŵikepu so mutu waki. 18 Uwotchi mbereri yosi yamphumphu ndipu yisunkhi josi paguŵa la sembi. Yeniyi ndi sembi yakupiriza ya kafungu kamampha* kwaku Yehova.+ Ndi sembi yakotcha ndi motu yakuperekeka kwaku Yehova.

4 Iyu waŵikengi janja laki pamutu wa nyama yo yiperekekengi nge sembi yakupiriza, ndipu Chiuta wayilondiyengi kuti yibenekere maubudi nga munthu yo.