15 Mozesi wangukambiya asibweni ŵaki kuti: “Ntchifukwa chakuti ŵanthu atuza kwaku ini kuti ndiŵafumbiyi ulongozgi kwaku Chiuta. 16 Asani ŵanthu ayambana atuza kwaku ini, ndipu ndiyeruzga nkhani yawu ndi kuŵakambiya vyeruzgu vaku Chiuta wauneneska ndipuso marangu ngaki.”+

11 Yehova walongoronga ndi Mozesi pa masu ndi pa masu+ nge mo munthu wangalongolore ndi munthu munyaki. Ndipu asani Mozesi wawere kumsasa, Yoswa+ mwana waku Nuni yo wenga mteŵeti waki kweniso yo wamuwovyanga,+ watuwangapu cha pachihema.

11 Mnyamata yo nyina wenga Myisirayeli, wangwamba kunyoza zina laku Chiuta* ndi kulitemba.+ Mwaviyo, anguza nayu kwaku Mozesi.+ Nyina wa mnyamata uyu wenga Shelomiti, mwana munthukazi waku Dibiri wa fuku laku Dani. 12 Mnyamata uyu angumusunga dankha mpaka po anguziŵiya cheruzgu chaku Yehova.+