18 “Pavuli paki, ndingukukambiyani kuti: ‘Yehova Chiuta winu wakupaskani charu ichi kuti chije chinu. Anthulumi wosi anthazi pakati pinu anyamuwi vidya ndipu ayambukiyi sirya linyaki panthazi pa abali ŵinu Ayisirayeli.+

12 Ndipu a mu fuku laku Rubeni, laku Gadi ndi hafu ya fuku laku Manasi, anguyambuka panthazi pa Ayisirayeli mumzeri wakunozgeke nkhondu,+ nge mo Mozesi wanguŵalamuliya.+