25 Ntchitu ya ŵana anthulumi aku Gerisoni+ muchihema chakukumanaku, yenga ya kuphwere chihema,+ vakubenekere pachihema,+ ketani+ ya pakhomu la chihema chakukumanaku, 26 mpanda wasalu+ wa balaza, ketani+ ya pakhomu la balaza lo lazunguliya chihema ndi guŵa la sembi, vingwi, ndipuso ntchitu zosi zakukwaskana ndi vinthu venivi.

30 Mulongozgi wa nyumba ya awusewu ya mabanja nga Akohati wenga Elizafani, mwana munthulumi waku Uziyeli.+ 31 Ntchitu yawu yenga ya kuphwere Bokosi,+ thebulu,+ chakuŵikapu nyali,+ maguŵa nga sembi,+ viyaŵi+ vakugwiriskiya ntchitu pakuteŵete mumalu ngakupaturika, ketani+ ndipuso ntchitu zosi zakukwaskana ndi vinthu venivi.+

36 Ntchitu ya ŵana anthulumi aku Merari yenga ya kuwonere mafulemu+ nga chihema, nthantha zaki,+ ntchindamilu zaki,+ visulu vaki vamazenji, viyaŵi vaki vosi,+ ndipuso ntchitu zosi zakukwaskana ndi vinthu venivi.+ 37 Awoneriyanga so ntchindamilu za mpanda wa balaza, visulu vaki vamazenji,+ vikhomu vaki ndipuso vingwi vaki.