9 Iyu wangukambiya anthulumi wo kuti: “Ndiziŵa kuti Yehova wakupaskeningi charu ichi,+ ndipu taŵanthu tosi titikuwopani.+ Ŵanthu wosi a mucharu ichi ŵe ndi mantha chifukwa chaku yimwi,+ 10 pakuti tikuvwa mo Yehova wangukumizgiyani maji pa Nyanja Yiyera muchituwa mu Ijipiti,+ kweniso vo yimwi mukuchitiya Sihoni+ ndi Ogi+ mafumu ngaŵi nga Aamori, ngo mungungabaya kusirya* kwa Yorodani. 11 Tati tavwa venivi, mitima yidu yingusongonoka ndipu palivi yo we ndi nthazi* chifukwa chaku yimwi, pakuti Yehova Chiuta winu, ndi Chiuta kuchanya ndi pacharu chapasi.+