39 Wasembi Zadoki wanguto sengwi la mafuta+ muhema+ ndipu wangupunguliya Solomoni+ pamutu. Pavuli paki yiwu angwamba kumba mbata ndipu ŵanthu wosi angudaniriza kuti: “Fumu Solomoni yije ndi umoyu utali!” 40 Venivi vati vachitika, ŵanthu wosi angwamba kumulondo ndipu ambanga afyoliru, kweniso angukondwa ukongwa, mwakuti charu chingukeruka chifukwa cha chiwawa chawu.+

12 Pavuli paki, Yehoyiyada wangutuzgiya kubwalu mwana wa fumu,+ angumuvwalika chisoti cha ufumu ndipuso Ukaboni.*+ Yiwu angumusankha kuja fumu kweniso angumupunguliya mafuta pamutu. Pakumaliya, angwamba kumba manja ndi kudaniriza kuti: “Fumu yije ndi umoyu utali!”+

14 Iyu wanguwona kuti fumu yama kweniko pafupi ndi chipilala mwakukoliyana ndi mo achitiyanga nyengu zosi.+ Alongozgi kweniso ŵanthu wo ambanga mbata,*+ ŵenga ndi fumu, ndipu ŵanthu wosi a mucharu cho akondwanga kweniso ambanga mbata. Ataliya wati wawona venivi, wangukeruwa vakuvwala vaki ndipu wangudaniriza kuti: “Mwandinozge chiŵembu! Mwandinozge chiŵembu!”

39 Yiwu anguja kweniko limoza ndi Davidi kwa mazuŵa ngatatu, ndipu aryanga ndi kumwa, pakuti abali ŵawu anguŵanozge chakurya. 40 Kweniso wo ŵenga kufupi ndi yiwu kusazgapu so wo ŵenga kutali mpaka ko kwajanga fuku laku Isakara, laku Zebuloni ndi laku Nafutali, azanga ndi chakurya pa abulu, ngamila, nyulu* ndipuso ng’ombi. Yiwu azanga ndi ufwa, makeki nga mkuyu wakukanyata, makeki nga mphereska zakumira, vinyu, mafuta kweniso ng’ombi ndi mbereri zinandi ukongwa, pakuti ŵanthu mu Isirayeli angukondwa ukongwa.